Մայիսի 28-ին տեղի կունենա «ՀՀ Վարչապետի գավաթ» խճուղային հեծանվավազքի սիրողական մրցաշարը:
Այս մրցաշարի նպատակը Հայաստանում հեծանվային սպորտի և առողջ ապրելակերպի մասսայականացումն է, ֆիլզկուլտուրի և սպորտի քարոզչությունը, «Հեծանիվը որպես շրջակա միջավայրն աղտոտվածությունից զերծ պահելու միջոց» գաղափարի քարոզումը:
Մրցաշարն անցկացվելու է մայիսի 28-ին Գեղարքունիքի մարզում՝ Շորժա–Սևան լճի թերակղզի ճանապարհահատվածում:
Կարող են մասնակցել բոլոր ցանկացողները ՝ անկախ քաղաքացիությունից, աշխատանքի վայրից, կրթությունից:
Մրցաշարին մասնակցության համար անհրաժեշտ է լրացնել հայտ մինչև մայիսի 25-ը ներառյալ: Գրանցումների համար կարող եք զանգահարել 0268 22585 (Դիլիջանի համայնքապետարան), մասնագիտական հարցերի համար՝ 077858108, տեխնիկական հարցերի համար՝ 096566001 երկուշաբթի–ուրբաթ օրերին՝ ժամը 9:00-18:00:
Մրցաշարի անցկացման բոլոր մանրամասներին ծանոթացե՛ք կից փաստաթղթում: