«Դիլիջանի թիվ 1 մանկապարտեզ» ՀՈԱԿ-ը  հայտարարում է մրցույթ  մանկավարժական աշխատողի՝ ֆիզկուլտուրայի հրահանգչի, 0.75 դրույքային միավորով, թափուր պաշտոնի համար։ Մրցույթը կկայանա Դիլիջանի թիվ 1 մանկապարտեզում՝ ք․ Դիլիջան, Գետափնյա 70/4 հասցեում, 2025 թ.-ի մայիսի 29-ին՝ ժամը 15։00-ին։

Մրցույթին մասնակցելու համար դիմումները ներկայացնել 2025թ.-ի ապրիլի 21-ից մինչև 2025թ մայիսի 21-ը ներառյալ (20 աշխատանքային օրվա ընթացքում), ամեն օր՝ ժամը 10:00-ից մինչև 16:00–ն, բացի շաբաթ և կիրակի օրերից։ Դիմումը գրել մանկապարտեզում՝ անձամբ (Ձև 1)։

Մրցույթին մասնակցելու համար ներկայացնել․

1.Դիմում (Ձև 1)․

2.Կրթության մասին փաստաթուղթ (դիպլոմ).

3.Անձը հաստատող փաստաթուղթ․

4.Աշխատանքային ստաժի մասին տեղեկանք կամ աշխատանքային գրքույկ (առկայության դեպքում)

5.Ինքնակենսագրություն  (Ձև 4)` ՀՀ ԿԳՄՍՆ 17 փետրվար 2022թ․ N 08-Ն հրաման

6.Մեկ լուսանկար՝ 3x4 չափի․

7.Հրապարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում)․

8.Այլ պետությունների քաղաքացիները՝ ՀՀ–ում աշխատելու իրավունքը հավաստող փաստաթուղթ․

9.ՀՀ արական սեռի քաղաքացիները ներկայացնում են նաև զինվորական գրքույկ կամ զինվորական կցագրման վկայական․

10.Տեղեկանք առողջության մասին՝ 15 դեկտեմբերի 2011 թվականի N 1801-Ն ՀՀ Կառավարության որոշման համաձայն․

11.Տեղեկանք՝ դատվածության առկայության մասին․

Մրցույթը անցկացվում է 2 փուլով՝  թեստավորման և հարցազրույցի։

ՀԱՍՏԱՏՈՒԹՅԱՆ ՄԱՆԿԱՎԱՐԺԱԿԱՆ ԱՇԽԱՏՈՂԻ՝  ԴԱՍՏԻԱՐԱԿԻ ՊԱՇՏՈՆԻ ՆԿԱՐԱԳԻՐ․ Աշխատանքային լիազորություններ և պարտականություններ`

1) նախադպրոցական կրթական ծրագրերին համապատասխան` սաների հետ տանում է ֆիզիկական դաստիարակության աշխատանքներ.

2) որոշում է պարապմունքների խնդիրները և բովանդակությունը` հաշվի առնելով սաների տարիքը, պատրաստվածությունը, անհատական և հոգեբանական առանձնահատկությունները. 3) աջակցում է սաների՝ վարժությունների կատարման տեխնիկայի և հմտությունների զարգացմանը, ձևավորում է նրանց բարոյակամային որակները:

4) ապահովում է սաների անվտանգությունը ֆիզիկական կուլտուրայի պարապմունքների ժամանակ.

5) բուժաշխատողների հետ համատեղ հսկում է սաների առողջության վիճակը.

6) վերահսկում է օրվա ընթացքում սաների շարժողական ակտիվությունը:

7) անցկացնում է զրույցներ խմբերի դաստիարակների և սպասարկող անձնակազմի հետ ֆիզիկական դաստիարակության ուղղությամբ.

8) ծնողների հետ կազմակերպում է բացատրական աշխատանք՝ պարապմունքներին սաների նախապատրաստման ուղղությամբ.

9) պարապմունքների ժամանակ հաշվի է առնում յուրաքանչյուր սանի անհատական հնարավորությունները.

10) ուսումնասիրում է պարապմունքի անցկացման հիգիենիկ պայմանները.

11) կազմակերպում է ֆիզիկական կուլտուրայի գծով բացատրական աշխատանք հաստատության աշխատողների և ծնողների շրջանում։

Նախադպրոցական ուսումնական հաստատության ֆիզիկական կուլտուրայի հրահանգչի պաշտոնը զբաղեցնողը պետք է՝

1) տիրապետի համակարգչով և ժամանակակից այլ տեխնիկայով աշխատելու հմտություններին.

2) իմանա ստորև նշված նորմատիվ իրավական ակտերի այն դրույթները, որոնք վերաբերում են կրթության բնագավառին, կանոնակարգում են պաշտոնի նկարագրով ամրագրված լիազորությունները`

ա. Հայաստանի Հանրապետության Սահմանադրությունը, «Կրթության մասին», «Հանրակրթության մասին», «Նախադպրոցական կրթության մասի», «Լեզվի մասին», «Երեխայի իրավունքների մասին», «Պետական ոչ առևտրային կազմակերպությունների մասին», «Լիցենզավորման մասին» օրենքները, Հայաստանի Հանրապետության աշխատանքային օրենսգիրքը, «Նախադպրոցական ուսումնական հաստատության օրինակելի կանոնադրությունը», Նախադպրոցական կրթության պետական կրթական չափորոշիչը, կրթության պետական կառավարման լիազորված մարմնի համապատասխան նորմատիվ իրավական ակտերը.

բ. նախադպրոցական մանկավարժության, հոգեբանության, տարիքային ֆիզիոլոգիայի, անատոմիայի, մարզագործիքների վրա ուսուցման մեթոդիկայի հիմունքներին, Որակավորման պահանջները՝ հաստատության ֆիզիկական կուլտուրայի հրահանգչի պաշտոն զբաղեցնողը պետք է ունենա`

1) միջին կամ բարձրագույն մասնագիտական կրթություն՝ համապատասխան որակավորմամբ կամ միջին կամ բարձրագույն կրթություն` նախադպրոցական ուսումնական հաստատության դաստիարակի որակավորմամբ և վերջին տասը տարվա ընթացքում ֆիզիկական կուլտուրայի հրահանգչի առնվազն երեք տարվա ստաժ.

2) դպրոցահեն նախակրթարաններում նաև՝ «Հանրակրթության մասին» օրենքի 26-րդ հոդվածի 1-ին մասի պահանջին բավարարող անձը, որը տվյալ դպրոցում դասավանդում է «Ֆիզկուլտուրա» առարկան: