Դիլիջանի համայնքի ղեկավարին է դիմել քաղաքացի Արտաշես Գագիկի Անանյանը՝ Դիլիջան համայնքի Դիլիջան քաղաքի Կամոյի փողոց 3-րդ նրբ. թիվ 19 հասցեի, իրեն սեփականության իրավունքով պատկանող բնակելի տան /կիսակառույց/ սպասարկման 400.0քմ հողամասին կից գտնվող / Կամոյի փողոց 3-րդ նրբ. թիվ 19/2 հասցեի/ 400.0քմ մակերեսով հողամասը ընդլայնման կարգով իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 400.0 քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Կամոյի փողոց 3-րդ նրբ. թիվ 19/2 հասցեի 400.0քմ հողամասն ուղղակի վաճառքի ձևով, ընդլայնման կարգով, 2733720 /երկու միլիոն յոթ հարյուր երեսուներեք հազար յոթ հարյուր քսան/ ՀՀ դրամ արժեքով օտարել քաղաքացի Արտաշես Գագիկի Անանյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է. 1. Տալ համաձայնություն՝ Դիլիջան համայնքի Դիլիջան քաղաքի Կամոյի փողոց 3-րդ նրբ. թիվ 19/2 հասցեի 400.0քմ հողամասն ուղղակի վաճառքի ձևով, ընդլայնման կարգով, 2733720 /երկու միլիոն յոթ հարյուր երեսուներեք հազար յոթ հարյուր քսան/ ՀՀ դրամ արժեքով քաղաքացի Արտաշես Գագիկի Անանյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |