Դիլիջանի համայնքի ղեկավարին է դիմել «Դիլի Տրոպիկ» սահմանափակ պատասխանատվությամբ ընկերությունը՝ ի դեմս կառավարիչ «Ֆորմա» սահմանափակ պատասխանատվությամբ ընկերության տնօրեն Շահեն Ինանցի, Դիլիջան համայնքի Դիլիջան քաղաքի Արցախի փողոց 3-րդ նրբ․ թիվ 14 հասցեի, «Դիլի Տրոպիկ» սահմանափակ պատասխանատվությամբ ընկերությանը սեփականության իրավունքով պատկանող 10591.0քմ հողամասին կից գտնվող Արցախի փողոց 3-րդ նրբ․ թիվ 14/1 հասցեի 102.9քմ մակերեսով հողամասն ընդլայնման կարգով «Դիլի Տրոպիկ» սահմանափակ պատասխանատվությամբ ընկերությանը օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 102.9քմ մակերեսով հողամասը չի համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում են Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Արցախի փողոց 3-րդ նրբ․ թիվ 14/1 հասցեի 102.9քմ մակերեսով հողամասն ուղղակի վաճառքի ձևով, ընդլայնման կարգով, 703250 /յոթ հարյուր երեք հազար երկու հարյուր հիսուն/ դրամ արժեքով օտարել «Դիլի Տրոպիկ» սահմանափակ պատասխանատվությամբ ընկերությանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է. 1. Տալ համաձայնություն՝ Դիլիջան համայնքի Դիլիջան քաղաքի Արցախի փողոց 3-րդ նրբ․ թիվ 14/1 հասցեի 102.9քմ մակերեսով հողամասն ուղղակի վաճառքի ձևով, ընդլայնման կարգով, 703250 /յոթ հարյուր երեք հազար երկու հարյուր հիսուն/ դրամ արժեքով «Դիլի Տրոպիկ» սահմանափակ պատասխանատվությամբ ընկերությանը օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |