|
Նիստը սկսեց համայնքապետարանի գլխավոր մասնագետ-իրավաբան Վաղինակ Մարկոսյանը շնորհավորանքներ և բարեմաղթանքներ ուղղեց նորընտիր ավագանու անդամներին: Մասնավորապես նա նշեց,որ Դիլիջան համայնքի ավագանու համամասնական ընտրակարգով 2021թ. հոկտեմբերի 17-ի ընտրությունների արդյունքում Դիլիջան համայնքի ավագանու անդամներ են ընտրվել 21 թեկնածու:
Նշեց նաև,որ համաձայն «Տեղական ինքնակառավարման մասին» օրենքի 64-րդ հոդվածի 1-ին մասի՝ մինչև համայնքի ղեկավարի կողմից պաշտոնի ստանձնելը, ավագանու նիստը վարում է ավագանու նիստին ներկա տարիքով ավագ անդամը:
Ավագանու ներկա անդամներից տարքովը Սուրեն Հրանտի Գրիգորյանն:
Խոսքը տրվեց Սուրեն Գրիգորյանին ով շնորհավորանքներ և բարեմաղթանքներ ուղղեց նորընտիր ավագանու անդամներին և նիստը համարեց բացված:Նա նշեց,որ Հայաստանի Հանրապետության Տավուշի մարզի թիվ 38 տարածքային ընտրական հանձնաժողովի 2021թվականի հոկտեմբերի 24-ի «Տավուշի մարզի Դիլիջան համայնքի ավագանու 2021թվականի հոկտեմբերի 17-ի ընտրությունների արդյունքներով Դիլիջան համայնքի ավագանու անդամներ ընտրվելու մասին» թիվ 29-Ա որոշման համաձայն ավագանու 21 մանդատները բախշվել են հետևյալ կուսակցությունների միջև.
- «Ապրելու երկիր» կուսակցություն – 5 մանդատ
- «Հանրապետություն» կուսակցություն – 1 մանդատ
- «Քաղաքացիական պայմանագիր» կուսակցություն – 13 մանդատ
- «Քաղաքացու որոշում» Սոցիալ Դեմոկրատական կուսակցություն – 2 մանդատ
և ծափահարությունների ներքո բաշխվեց մանդատները: Նա նշեց նաև որ յուրաքանչյուր խմբակցություն համայնքի ղեկավարին գրավոր ներկայացնում է իր կանոնադրությունը, անվանումը, կազմը, ղեկավարի և քարտուղարի անունները, ազգանունները, որոնք նիստը վարողը հրապարակում է ավագանու առաջիկա նիստում: Ներկայացվեց նիստի օրակարգում ընդգրկված հարցերը:
|