Դիլիջանի համայնքի ղեկավարի 2025թ. հունիսի 04-ի թիվ 449-Ա որոշմամբ, Դիլիջան համայնքի Դիլիջան քաղաքի Անդրանիկի փողոց, 1-ին նրբ․ թիվ 13/3 հասցեի համայնքային սեփականություն հանդիսացող հողամասում քաղ. Սուրեն Աշոտի Ուլիխանյանի կողմից ինքնակամ կառուցված 9․2քմ արտաքին մակերեսով կիսակառույց շինության նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 16062025-11-0079/:
Գրավոր առաջարկություն է ներկայացվել քաղ. Սուրեն Ուլիխանյանին` Դիլիջան համայնքի Դիլիջան քաղաքի Անդրանիկի փողոց, 1-ին նրբ․ թիվ 13/3 հասցեի կիսակառույց շինությունը՝ 9․2քմ արտաքին մակերեսով և վերջինիս զբաղեցրած 9․2քմ հողամասը, համապատասխանաբար, 191765 դրամ և 62876 դրամ արժեքներով ձեռք բերելու նպատակով: Վերջինս տվել է իր համաձայնությունը:
Համայնքի ղեկավարը նշված կիսակառույց շինությունը և վերջինիս զբաղեցրած 9․2քմ հողամասը քաղ. Սուրեն Աշոտի Ուլիխանյանին օտարելու վերաբերյալ առաջարկությունը ներկայացրել է համայնքի ավագանու համաձայնեցմանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով` համայնքի ավագանին որոշում է. 1. Տալ համաձայնություն՝ Դիլիջան համայնքի Դիլիջան քաղաքի Անդրանիկի փողոց, 1-ին նրբ․ թիվ 13/3 հասցեի կիսակառույց շինությունը՝ 9․2քմ արտաքին մակերեսով և վերջինիս զբաղեցրած 9․2քմ հողամասը, համապատասխանաբար, 191765 դրամ և 62876 դրամ արժեքներով քաղ. Սուրեն Աշոտի Ուլիխանյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |