Դիլիջանի համայնքապետարանի կողմից լույս է տեսել «Դիլիջան» թերթի նոր համարը: Այս անգամ թերթը պատմում է Դիլիջանի ճարտարապետության, անվանի մարդկանց, ավագանու անդամների ու մեր համայնքում գործունեություն ծավալող մարդկանց մասին:
   Թերթում այս անգամ կիրառվել է նորարարություն` հատուկ գրավելու երիտասարդ ընթերցողների ուշադրությունը:
   Նոր համարը կարող եք ԱՆՎՃԱՐ վերցնել Դիլիջան համայնքի բոլոր փոստային բաժանմունքներից, կրպակներից, համայնքապետարանից:
   Բարի´ ընթերցում:

   Հունիսի մեկի տոնական միջոցառմանը նախադպրոցական ուսումնական հաստատությունների ավարտական խմբերը ներկայացրին պարային գունեղ ելույթներ: Երեխաներին հյուր էին եկել մուլտհերոսները, գործում էին ակվագրիմի, տիկնիկագործության, օճառագործության տաղավարներ:
   Միջոցառումը կազմակերպվել էր Դիլիջանի համայնքապետարանի կողմից:

   Թանկագի՛ն փոքրիկներ,
   Ջերմորեն շնորհավորում եմ Ձեզ՝ այսքան սիրված ու մանկական տոնի՝ Երեխաների պաշտպանության միջազգային օրվա կապակցությամբ:
   Ի սրտե մաղթում եմ, որ միշտ առողջ լինեք, ապրեք ընտանեկան հոգատարությամբ ու ջերմությամբ շրջապատված, երազանքներ կառուցեք ու հաստատուն քայլերով հասնեք դրանց իրականացմանը, անհոգ վայելեք ձեր մանկությունը:
   Այս օրը մեզ կրկին հիշեցնում է, որ երեխաների երջանիկ մանկության ու հավասարակշռված դաստիարակության պատասխանատուն մենք ենք՝ մեծահասակներս: Մենք ենք ապահովելու նրանց գունավոր աշխարհի զարգացումն ու անվտանգ մանկությունը: Թող յուրաքանչյուր երեխա ջերմ ու խաղաղ միջավայրում մեծանա:

   Գոշ գյուղական բնակավայրում մեկնարկել է սուբվենցիոն ծրագրով իրականացվող գյուղամիջյան ճանապարհի տուֆապատման ծրագիրը:
   Վերանորոգվող տեղամասի ընդհանուր երկարությունը 1․343 կմ է։ Տվյալ հատվածում պատվածքն ասֆլատբետոնյա է և գտնվում է ոչ բարվոք վիճակում։ Այս պահին կատարվում են հողային աշխատանքներ, որից հետո պետք է վերականգնվի ճանապարհային հողային պաստառը, այնուհետև կսկսվեն տուֆով սալարկման աշխատանքները:
   Ծրագրի արժեքը կազմում է շուրջ 76 մլն, որի 60%-ը տրամադրվում է ՀՀ պետական բյուջեից, իսկ 40%-ը՝ համայնքի:

«Այսօր հետևել եմ Շահումյան փողոցում սուբվենցիոն ծրագրով իրականացվող ճանապարհաշինական աշխատանքներին: Այս պահին սալարկվում են մայթերը, որից հետո կսկսվեն ասֆալտապատման աշխատանքները». Դիլիջան համայնքի ղեկավար Դավիթ Սարգսյան