Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի  25-րդ և 42–րդ կետերի պահանջներով և նկատի ունենալով, որ համայնքային ֆինանսական ներդրումներ կատարելու պայմանով  2023թ. Հայաստանի Հանրապետության պետական բյուջեից համայնքներին հատկացվելու են նպատակային հատկացումներ՝ սուբվենցիաներ,  համայնքի ավագանին որոշում է.       

Տալ համաձայնություն Դիլիջան համայնքի ղեկավարի առաջարկությանը և թույլատրել Հայաստանի Հանրապետության պետական բյուջեից Դիլիջան համայնքին հատկացվող նպատակային հատկացումները՝ սուբվենցիաները ուղղորդել հետևյալ տնտեսական զարգացման ծրագրերին՝ 

1. Դիլիջան քաղաքի, Մյասնիկյան փողոցի թիվ 117/4 հասցեից մինչև Գայի փողոցի թիվ 90 հասցեն ընկած ճանապարհահատվածի հիմնանորոգում (ասֆալտապատում) – 2350 մետր։

2. Դիլիջան քաղաքում թվով 14 կանգառի կառուցում (փողոցներ՝ Շահումյան, Մյասնիկյան Կալինինի, Աբովյան)։

3. Թեղուտ գյուղում 6 կմ ջրագծի կառուցում։

4. Աղավնավանք գյուղում 3 կմ ջրագծի կառուցում։

5. Հաղարծին գյուղի 2–րդ, 7–րդ և 10–րդ փողոցների տուֆապատում–1500մետր։

6. Խաչարձան գյուղի 2–րդ և 3–րդ փողոցների տուֆապատում–800մետր։

7. Գոշ գյուղի Մ․ Գոշի փողոցի տուֆապատում–800մետր։

8. Հովք գյուղի 1–ին փողոցի տուֆապատում–600մետր։

9. Դիլիջան քաղաքի, Կալինինի փողոցի թիվ 256ա հասցեից մինչև Այգեստան փողոցի թիվ 1/1 հասցեն ընկած ճանապարհահատվածի հիմնանորոգում (ասֆալտապատում) – 1120 մետր։

Սույն որոշումն ուժի մեջ է մտնում ընդունմանը հաջորդող օրվանից։