21/06/2023թ․ Տավուշի մարզպետարանից Դիլիջանի համայնքապետարան է մուտքագրվել N 03//02837–2023 գրությունը այն մասին, որ ՀՀ ՏԿԵ նախարարության պատվերով իրականացվում են Մ–4 Երևան– Սևան–Իջևան (Թեղուտ–Հաղարծին հատված) միջպետական նշանակության ավտոճանապարհի կմ105+600,– կմ 105+610,–կմ108+900 և կմ111+550–կմ111+595 հատվածներում ստորին հենապատերի կառուցման աշխատանքներ։ Շինարարական աշխատանքների հնարավորինս սեղմ ժամկետում ավարտելու համար անհրաժեշտություն է առաջացել ճանապարհի պաշտպանական գոտու որոշ հատվածներում առկա բուսականության և ծառերի արմատական հեռացման։ Համայնքապետարանի աշխատակիցների ուսումնասիրությունից պարզվել է, որ Դիլիջան համայնքի վարչական սահմանում գտնվող նշված հատվածներում առկա են թվով 8–10 հաստաբուն, 30–35 ոչ հաստ ծառեր և բուսականություն որոնք խոչընդոտ են հանդիսանում վերը նշված աշխատանքների իրականացման համար։
Ելնելով վերոգրյալից և ղեկավարվելով «Տեղական ինքնակառավարման մասին» օրենքի 18–րդ հոդվածի 1–ին մասի 21–րդ և 42–րդ կետով՝ համայնքի ավագանին որոշում է․

Տալ համաձայնություն Դիլիջան համայնքի ղեկավարի առաջարկությանը և թույլատրել արմատական հեռացնել Մ–4 Երևան– Սևան–Իջևան (Թեղուտ–Հաղարծին հատված) միջպետական նշանակության ավտոճանապարհի կմ105+600,– կմ 105+610,–կմ108+900 և կմ111+550–կմ111+595 հատվածներում ստորին հենապատերի կառուցման շինարարական աշխատանքներին խոչընոտող թվով 8–10 հաստաբուն, 30–35 ոչ հաստ ծառերը  և բուսականությունը։