Դիլիջանի համայնքի ղեկավարի 2024թ. փետրվարի 23-ի թիվ 275-Ա որոշմամբ, Դիլիջան համայնքի Դիլիջան քաղաքի Այգեստան փողոց թիվ 2/16 հասցեի համայնքային սեփականություն հանդիսացող հողամասում քաղ. Արմենակ Լևոնի Հարությունյանի կողմից ինքնակամ կառուցված 49․2քմ արտաքին մակերեսով ավտոտնակի նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 11032024-11-0060/:
Գրավոր առաջարկություն է ներկայացվել քաղ. Արմենակ Հարությունյանին` Դիլիջան համայնքի Դիլիջան քաղաքի Այգեստան փողոց թիվ 2/16 հասցեի ավտոտնակը՝ 49․2քմ արտաքին մակերեսով և վերջինիս զբաղեցրած 49․2քմ հողամասը, համապատասխանաբար, 113948 դրամ և 336248 դրամ արժեքներով ձեռք բերելու նպատակով: Վերջինս տվել է իր համաձայնությունը: 
Համայնքի ղեկավարը նշված ավտոտնակը և վերջինիս զբաղեցրած 49․2քմ հողամասը քաղ. Արմենակ Լևոնի Հարությունյանին օտարելու վերաբերյալ առաջարկությունը ներկայացրել է համայնքի ավագանու համաձայնեցմանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով` համայնքի ավագանին որոշում է.

1. Տալ համաձայնություն՝ Դիլիջան համայնքի Դիլիջան քաղաքի Այգեստան փողոց թիվ 2/16 հասցեի ավտոտնակը՝ 49․2քմ արտաքին մակերեսով և վերջինիս զբաղեցրած 49․2քմ հողամասը, համապատասխանաբար, 113948 դրամ և 336248 դրամ արժեքներով քաղ. Արմենակ Լևոնի Հարությունյանին  օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: