ՀՀ Տավուշի մարզի առաջին ատյանի դատարանի 06.04.2022թ. գործ թիվ ՏԴ/3465/02/21 վճռով Դիլիջան համայնքի Հովք գյուղի 11-044-0308-0028 կադաստրային ծածկագրով հողամասում գտնվող 239.05քմ մակերեսով անասնաշենքը և 70.8քմ մակերեսով կից շինությունը ճանաչվել են տիրազուրկ և վերջիններիս նկատմամբ ձեռքբերման վաղեմության ուժով ճանաչվել է քաղ. Օնիկ Օթարյանի սեփականության իրավունքը:
Դիլիջան համայնքի ղեկավարին է դիմել քաղ. Օնիկ Օթարյանը՝ վերոգրյալ շինությունների սպասարկման հողամասը ուղղակի վաճառքի ձևով իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն կադաստրային քարտեզի՝ Դիլիջան համայնքի Հովք գյուղի 11-044-0308-0028 կադաստրային ծածկագրով հողամասում գտնվող 239.05քմ մակերեսով անասնաշենքի և 70.8քմ մակերեսով կից շինության սպասարկման հողամասի մակերեսի չափը կազմում է 6800.9քմ: Նշված հողամասը չի համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասնհինգերորդ գոտում: Համաձայն Դիլիջան համայնքի միկրոռեգիոնալ մակարդակի համակցված տարածական պլանավորման փաստաթղթի՝ վերոգրյալ 6800.9քմ մակերեսով հողամասը հանդիսանում է Արդյունաբերության, ընդերքօգտագործման և այլ արտադրական նշանակության հող, ըստ գործառնական նշանակության՝ գյուղատնտեսական արտադրական օբյեկտների հող:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Հովք գյուղի 11-044-0308-0028 կադաստրային ծածկագրով հողամասում գտնվող 239.05քմ մակերեսով անասնաշենքի և 70.80քմ մակերեսով կից շինության սպասարկման 6800.9քմ մակերեսով հողամասը, ուղղակի վաճառքի ձևով, 5386313 /հինգ միլիոն երեք հարյուր ութսունվեց հազար երեք հարյուր տասներեք/ դրամ արժեքով օտարել քաղ. Օնիկ Օթարյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է.
 

1. Տալ համաձայնություն՝ Դիլիջան համայնքի Հովք գյուղի 11-044-0308-0028 կադաստրային ծածկագրով հողամասում գտնվող 239.05քմ մակերեսով անասնաշենքի և 70.80քմ մակերեսով կից շինության սպասարկման 6800.9քմ մակերեսով հողամասը, ուղղակի վաճառքի ձևով, 5386313 /հինգ միլիոն երեք հարյուր ութսունվեց հազար երեք հարյուր տասներեք/ դրամ արժեքով քաղ. Օնիկ Օթարյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: