Դիլիջանի համայնքի ղեկավարի 2024թ. մայիսի 23-ի թիվ 656-Ա որոշմամբ, 2024թ. հունիսի 24-ին կառուցապատման իրավունքի մրցույթի էր ներկայացվել Դիլիջանի համայնքի սեփականությունը հանդիսացող բնակավայրերի հողերից 1199․6քմ հողամասը / ԼՈՏ-6(ՔԿ-24), ք. Դիլիջան, Կամոյի փողոց, թիվ 265 /, մինչև 2070թ. դեկտեմբերի 31-ը ժամկետով, հասարակական նշանակության օբյեկտի կառուցման նպատակով, 239920 դրամ տարեկան վճարի մեկնարկային գնով:
Կայացած մրցույթում 239920 դրամ տարեկան վճարի առավելագույն գնով հաղթեց Դիլիջան քաղաքի, Այգեստան փողոց, 2ա շենք, թիվ 5 բնակարանի բնակիչ Մաիրա Բաբախանյանը, որի մասին մրցութային հանձնաժողովի կողմից կազմվեց թիվ 2 արձանագրությունը:
   Ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով, հիմք ընդունելով Հայաստանի Հանրապետության Հողային օրենսգրքի 76-րդ հոդվածի 2-րդ կետի պահանջները`

1.Հաստատել Դիլիջան համայնքի հողամասերը վարձակալության և կառուցապատման իրավունքով տրամադրող մրցութային հանձնաժողովի թիվ 2 արձանագրությունը և Դիլիջան համայնքի սեփականությունը հանդիսացող բնակավայրերի հողերից 1199․6քմ հողամասը / ԼՈՏ-6(ՔԿ-24), ք. Դիլիջան, Կամոյի փողոց, թիվ 265, հասարակական նշանակության օբյեկտի կառուցման նպատակով, մինչև 2070թ. դեկտեմբերի 31-ը ժամկետով, կառուցապատման իրավունքով տրամադրել Դիլիջան քաղաքի, Այգեստան փողոց, 2ա շենք, թիվ 5 բնակարանի բնակիչ Մաիրա Բաբախանյանին: Հողամասի տարեկան վճար սահմանել մրցույթում առաջարկված առավելագույն գինը, այն է` 239920 դրամ:
2.Կնքել հողի կառուցապատման իրավունքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3.Պարտավորեցնել քաղ. Մաիրա Բաբախանյանին.
1)Հողամասի կառուցապատումն իրականացնել Դիլիջանի համայնքապետարանի կողմից տրված 24.06.2024թ. թիվ 6 (ՔԿ-24) ճարտարապետահատակագծային առաջադրանքի համաձայն:
2)Դիլիջանի համայնքապետարանի 900405051682 հաշվարկային հաշվին մուծել մրցույթի արդյունքում ձևավորված տարեկան վճարը, այն է` 239920 /երկու հարյուր երեսունինը հազար ինը հարյուր քսան/ դրամ, ընդ որում մրցույթի անցկացման օրը մուծված 11996 /տասնմեկ հազար ինը հարյուր իննսունվեց/ դրամ նախավճարը ներառվում է տարեկան վճարի մեջ, վերջիններիս մուծման անդորրագրերը սույն որոշման անբաժանելի մասն են:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: