Անշարժ գույքի նկատմամբ սեփականության իրավունքը հաստատող փաստաթղթերի համաձայն` սեփականության իրավունքի վկայական թիվ 16062021-11-0014, Դիլիջան համայնքի Դիլիջան քաղաքի Շահումյան փողոց, թիվ 26/20 հասցեի կենցաղային իրերի վերանորոգման կետը 38․34քմ հասարակական կառուցապատման հողամասով պատկանում է քաղ. Սեդա Լևոնի Մարտիրոսյանին: Վերջինս դիմել է Դիլիջանի համայնքի ղեկավարին՝ նշված հողամասին կից, Դիլիջան քաղաքի Շահումյան փողոց, թիվ 26/10 հասցեի 22․6քմ հողամասն ընդլայնման կարգով իրեն օտարելու խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 22․6քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում: Նշված հողամասի նկատմամբ համայնքի սեփականության իրավունքը գրանցված է /սեփականության վկայական թիվ՝ 16042025-11-0053/:
Համայնքի ավագանին 2025թ. սեպտեմբերի 10-ի թիվ 977-Ա որոշմամբ համաձայնություն է տվել նշված 22․6քմ հողամասն ընդլայնման կարգով քաղ. Սեդա Լևոնի Մարտիրոսյանին օտարելու վերաբերյալ համայնքի ղեկավարի առաջարկությանը:
Ելնելով վերոգրյալից և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 8-րդ կետի, Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 6-րդ կետի, ինչպես նաև Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման 50-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`

1.Դիլիջան քաղաքի Շահումյան փողոց, թիվ 26/10 հասցեի 22․6քմ հողամասի գործառնական նշանակությունը փոփոխել որպես հասարակական կառուցապատման և հաշվառել համայնքի հողերի ֆոնդի տարեկան հաշվեկշռում:
2.Դիլիջան քաղաքի Շահումյան փողոց, թիվ 26/20 կենցաղային իրերի վերանորոգման կետի 38․34քմ հասարակական կառուցապատման հողամասին կից գտնվող, Շահումյան փողոց, թիվ 26/10 հասցեի 22․6քմ հողամասն ուղղակի վաճառքի ձևով /ընդլայնման կարգով/ օտարել քաղ. Սեդա Լևոնի Մարտիրոսյանին: Հողամասի արժեքը կազմում է 154456 դրամ:
3.Քաղ. Սեդա Լևոնի Մարտիրոսյանին պատկանող, Դիլիջան քաղաքի Շահումյան փողոց, թիվ 26/20 հասցեի 38․34քմ  և Շահումյան փողոց, թիվ 26/10 հասցեի 22․6քմ մակերեսներով հողամասերի միավորման արդյունքում առաջացած 60․94քմ հողամասը հասցեակոչել Տավուշի մարզ, Դիլիջան համայնք, Դիլիջան քաղաք, Շահումյան փողոց, թիվ 26/10 հասցեով:
4.Կնքել հողի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
5.Պարտավորեցնել քաղ. Սեդա Մարտիրոսյանին.
1)Դիլիջանի համայնքապետարանի 900405051104 հաշվարկային հաշվին մուծել հողամասի կադաստրային արժեքը` 154456 /հարյուր հիսունչորս հազար չորս հարյուր հիսունվեց/ դրամ, վերջինիս մուծման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի  սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
6.Սույն որոշումն ուժի մեջ է մտնում ստորագրման պահից: