Դիլիջան համայնքի ղեկավարին է դիմել «ԳՐԻԻՆ ՌՈՔ ՄԵՆԵՋՄԵՆԹ ԳՐՈՒՊ» սահմանափակ պատասխանատվությամբ ընկերությունը՝ ի դեմս տնօրեն Վարազդատ Ներսիսյանի, Դիլիջան համայնքի Դիլիջան քաղաքի Մյասնիկյան փողոց թիվ 142/3 հասցեի 0.107հա հողամասում հյուրանոցատիպ հանգրվանի կառուցման նախագծման թույլտվություն (ճարտարապետահատակագծային առաջադրանք) ստանալու խնդրանքով: Քաղաքացուն տրամադրված 25.04.2024թ. թիվ Ա1-75 նախագծման թույլտվության համաձայն՝ նախատեսվում է նշված 0.107հա հողամասի գործառնական նշանակությունը փոխել որպես հասարակական կառուցապատման:
Ելնելով վերոգրյալից և ղեկավարվելով Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ հաստատված կարգի 25-րդ կետի, Հայաստանի Հանրապետության կառավարության 2011թ․ դեկտեմբերի 29-ի թիվ 1920-Ն որոշման 24-րդ կետի 3) ենթակետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով`

1.«ԳՐԻԻՆ ՌՈՔ ՄԵՆԵՋՄԵՆԹ ԳՐՈՒՊ» սահմանափակ պատասխանատվությամբ ընկերության սեփականությունը հանդիսացող՝ Դիլիջան քաղաքի Մյասնիկյան փողոց թիվ 142/3 հասցեի 0.107հա հողամասի գործառնական նշանակությունը փոխել որպես հասարակական կառուցապատման:
2.«ԳՐԻԻՆ ՌՈՔ ՄԵՆԵՋՄԵՆԹ ԳՐՈՒՊ» սահմանափակ պատասխանատվությամբ ընկերությանը առաջադրել հետևյալ պայմանը.
1)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված փոփոխությունը պետականորեն գրանցելու նպատակով:
3.Սույն որոշումն ուժի մեջ է մտնում ստորագրման պահից: