Դիլիջանի համայնքի ղեկավարին Է դիմել քաղաքացի Արթուր Թելմանի Սարգսյանը՝ Դիլիջան համայնքի Դիլիջան քաղաքի Կալինինի փողոց թիվ 97/3 հասցեի, իրեն սեփականության իրավունքով պատկանող խանութի սպասարկման 216.0քմ հողամասին կից գտնվող /Կալինինի փողոց թիվ 97/4 հասցեի/ 52.2քմ մակերեսով հողամասը ընդլայնման կարգով իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 52.2քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման իններորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Կալինինի փողոց թիվ 97/4 հասցեի 52.2քմ հողամասն ուղղակի վաճառքի ձևով, ընդլայնման կարգով, 548821 /հինգ հարյուր քառասունութ հազար ութ հարյուր քսանմեկ/ ՀՀ դրամ արժեքով օտարել քաղաքացի Արթուր Թելմանի Սարգսյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է. 1. Տալ համաձայնություն՝ Դիլիջան համայնքի Դիլիջան քաղաքի Կալինինի փողոց թիվ 97/4 հասցեի 52.2քմ հողամասն ուղղակի վաճառքի ձևով, ընդլայնման կարգով, 548821 /հինգ հարյուր քառասունութ հազար ութ հարյուր քսանմեկ/ ՀՀ դրամ արժեքով քաղաքացի Արթուր Թելմանի Սարգսյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |