Դիլիջան համայնքի ղեկավարին է դիմել «Մովսեսյան և փարտներս դևելոփմենթ» սահմանափակ պատասխանատվությամբ ընկերությունը՝ ի դեմս տնօրեն Սպարտակ Բաղդասարյանի, Դիլիջան համայնքի Դիլիջան քաղաքի Օրջոնիկիձեի փողոց թիվ 104/1 հասցեի, իրենց սեփականության իրավունքով պատկանող 2688.7քմ հողամասին կից գտնվող /Օրջոնիկիձեի փողոց թիվ 106/5 հասցեի/ 105.0քմ մակերեսով հողամասը ընդլայնման կարգով «Մովսեսյան և փարտներս դևելոփմենթ» սահմանափակ պատասխանատվությամբ ընկերությանը օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 105.0քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Օրջոնիկիձեի փողոց թիվ 106/5 հասցեի 105.0քմ հողամասն ուղղակի վաճառքի ձևով, ընդլայնման կարգով, 717602 / յոթ հարյուր տասնյոթ հազար վեց հարյուր երկու/ ՀՀ դրամ արժեքով օտարել «Մովսեսյան և փարտներս դևելոփմենթ» սահմանափակ պատասխանատվությամբ ընկերությանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է. 1. Տալ համաձայնություն՝ Դիլիջան համայնքի Դիլիջան քաղաքի Օրջոնիկիձեի փողոց թիվ 106/5 հասցեի 105.0քմ հողամասն, ընդլայնման կարգով, ուղղակի վաճառքի ձևով, 717602 / յոթ հարյուր տասնյոթ հազար վեց հարյուր երկու/ ՀՀ դրամ արժեքով «Մովսեսյան և փարտներս դևելոփմենթ» սահմանափակ պատասխանատվությամբ ընկերությանը օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |