Որոշման նախագծի հավելված 1-ի 15-րդ կետում սահմանված 150000 դրամ  տուրքի համար ՀՀ ԱՆ իրավական ակտերի փորփաքննության գործակալության պետական փորձագիտական եզրակացությամբ առարկություն է ներկայացվել, պատճառաբանելով, որ  <<Տեղական տուրքերի և վճարների մասին>> օրենքի 12-րդ հոդվածի 1-ին մասի 15-րդ  կետի համաձայն Հայաստանի Հանրապետության  համայնքների կամ համայնքների կազմում ընդգրկված բնակավայրերի խորհրդանիշները (զինանշանը, անվանումը) որպես օրենքով գրանցված ապրանքային նշան կամ ապրանքների արտադրության կամ աշխատանքների կատարման կամ ծառայությունների մատուցման գործընթացներում, ինչպես նաև ֆիրմային անվանումներում օգտագործելու թույլտվություն տրամադրելու համար՝ օրացուցային տարվա համար սահմանված է հարյուր հազար դրամ: Համայնքի ղեկավարն առաջարկեց  ղեկավարվելով  <<Տեղական տուրքերի և վճարների մասին>> օրենքի 12-րդ հոդվածի 3-րդ մասով, սահմանել քաղաքային բնակավայրում մինչև 1,5 անգամ  ավելի դրույքաչափ, այն է՝ 150000 դրամ: Համայնքի ավագանին (կողմ-13 դեմ-0 ձեռնպահ-0, չի քվեարկել-1) ընդունեց առաջարկությունը :