Դիլիջանի համայնքի ղեկավարին է դիմել քաղ. Նաթելինա Բախչիմանի Ալիխանյանը՝ նախկինում իրեն տրամադրված /ներկայիս Այգեստան փողոցի 2-րդ նրբ. թիվ 27 հասցեի/ 1400.0քմ տնամերձ հողամասի հատկացման փաստաթղթային հիմքերը վերականգնելու խնդրանքով:
Դիլիջանի համայնքապետարանի քաղաքաշինության և հողաշինության հարցերի  հանձնաժողովը  նշում է,  որ Դիլիջանի Լենինի անվան սովխոզի հողի սեփականաշնորհման թիվ 2 մատյանի համաձայն վերոնշյալ քաղաքացուն սեփականաշնորհվել է 1400.0քմ տնամերձ հողամաս: Պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմել է 700.0քմ /կցվում է հողամասի գլխավոր հատակագիծը/: Չափի փոփոխման հարցում սեփականատերը առարկություն չունի: 
Հանձնաժողովը նշում է, որ նշված 700.0քմ հողամասը երբևէ ետ չի վերցվել համայնքապետարանի տնօրինության տակ, մինչ օրս տիրապետվում է քաղ. Նաթելինա Բախչիմանի Ալիխանյանի կողմից: Ըստ համայնքի կադաստրային քարտեզի՝ նշված 700.0քմ հողամասի մի մասը/60.38քմ/ ընդգրկված է «Բնակավայրերի հողերի»  կազմում, որպես «այլ հողեր», մյուս մասը/639.62քմ/ ընդգրկված է «Բնակավայրերի հողերի» կազմում, որպես «բնակելի կառուցապատման հողեր»:
Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման և 2005թ. դեկտեմբերի 29-ի թիվ 2387-Ն որոշման 50-րդ կետի, ինչպես նաև Հայաստանի Հանրապետության Հողային օրենսգրքի 64-րդ հոդվածի 16-րդ կետի պահանջներով`

1.Դիլիջան քաղաքի Լենինի անվան սովխոզի հողերից՝ քաղ. Նաթելինա Բախչիմանի Ալիխանյանին հատկացված 700.0քմ հողամասին տրամադրել հասցե՝ Տավուշի մարզ, Դիլիջան համայնք, քաղաք Դիլիջան, Այգեստան փողոց, 2-րդ նրբ. թիվ 27:
2.Վերականգնել Դիլիջան քաղաքի Այգեստան փողոց, 2-րդ նրբ. թիվ 27 հասցեի տնամերձ հողամասի /կցվում է հողամասի գլխավոր հատակագիծը/ փաստաթղթային հիմքերը` 700.0քմ մակերեսով, քաղ. Նաթելինա Բախչիմանի Ալիխանյանի (ծնված 07.12.1953թ.) սեփականության իրավունքով:
3. Վերոնշյալ 60.38քմ մակերեսով հողամասի գործառնական նշանակությունը փոփոխել որպես բնակելի կառուցապատման և հաշվառել համայնքի հողերի ֆոնդի տարեկան հաշվեկշռում:
4.Պարտավորեցնել քաղ. Նաթելինա Ալիխանյանին .
1)Դիմել Հայաստանի Հանրապետության կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն գրանցելու նպատակով:
2)<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: