Զեկ. ԴԱՎԻԹ ՍԱՐԳՍՅԱՆ

 «Ֆոքըս օն Չիլդրեն Նաու, ինկ.» բարեգործական կազմակերպությունը  Դիլիջանի համայնքապետարանի հետ համատեղ «Դիլիջանի թիվ 3 մանկապարտեզ» համայնքային ոչ առևտրային կազմակերպության» և «Հաղարծնի մանկապարտեզ» համայնքային ոչ առևտրային կազմակերպության տարածքում իրականացրել է խաղահրապարակների տեղադրման ծրագիր, որի ընդհանուր արժեքը կազմում է 4538000 (չորս միլիոն հինգ հարյուր երեսունութ հազար) ՀՀ դրամ։ Դիլիջանի համայնքապետարանը ըստ կողմերի միջև կնքված պայմանագրի պարտավորվում է վերը նշված կազմակերպությանը հատկացնել 453800 (չորս հարյուր հիսուներեք հազար ութ հարյուր) ՀՀ դրամ որպես համաֆինանսավորվող գումար, որը կազմում է  ծրագրի ընդհանուր արժեքի 10%-ը ։ Առաջարկվում է տալ հավանություն վերը նշված ծրագրերին և Դիլիջան համայնքի 2023թ․ տեղական բյուջեում կատարել անհրաժեշտ փոփոխություններ՝ համաֆինանսավորում իրականացնելու նպատակով։

Հաշվի առնելով վերոգրյալը և ղեկավարվելով  «Տեղական ինքնակառավարման մասին» օրենքի  18-րդ  հոդվածի 1-ին մասի 5-րդ, 42-րդ կետերի և «Հայաստանի Հանրապետության բյուջետային համակարգի մասին» օրենքի 33 -րդ հոդվածի 4-րդ մասի   պահանջներով՝ Դիլիջան համայնքի ավագանին ո ր ո շ ու մ է.    

1. Տալ հավանություն «Ֆոքըս օն Չիլդրեն Նաու, ինկ.» բարեգործական կազմակերպության կողմից «Դիլիջանի թիվ 3 մանկապարտեզ» համայնքային ոչ առևտրային կազմակերպության» և «Հաղարծնի մանկապարտեզ» համայնքային ոչ առևտրային կազմակերպության տարածքում խաղահրապարակների տեղադրման ծրագրին։

2. Դիլիջան համայնքի 2023 թվականի տեղական բյուջեի ֆոնդային մասում կատարել  փոփոխություններ՝ համաֆինանսավորում իրականացնելու նպատակով․

    1) «09-05-01» Դիլիջան համայնք  /Արտադպրոցական դաստիարակություն/ բյուջետային ծախսերի գործառնական դասակարգման 5134 /նախագծահետազոտական ծախսեր/ տնտեսագիտական հոդվածից նվազեցնել 453800 (չորս հարյուր հիսուներեք հազար ութ հարյուր) ՀՀ դրամ,

   2) «09-01-01» Դիլիջան համայնք  /Նախադպրոցական կրթություն/ բյուջետային ծախսերի գործառնական դասակարգման 5511 /համաֆինանսավորմամբ իրականացվող ծրագրեր և (կամ) կապիտալ ակտիվի ձեռք բերում/ տնտեսագիտական հոդվածին ավելացնել 453800 (չորս հարյուր հիսուներեք հազար ութ հարյուր) ՀՀ դրամ։

2. Սույն որոշումն ուժի մեջ է մտնում պաշտոնական հրապարակման պահից։