Անշարժ գույքի նկատմամբ սեփականության իրավունքը հաստատող փաստաթղթերի համաձայն` սեփականության իրավունքի վկայական թիվ 07122017-11-0022, Դիլիջան համայնքի Դիլիջան քաղաքի Մյասնիկյան փողոց, թիվ 30/6 հասցեի խանութը 37․8քմ սպասարկման հողամասով պատկանում է քաղ. Արտուշ Ալբերտի Քեռյանին: Վերջինս դիմել է Դիլիջանի համայնքի ղեկավարին՝ նշված հողամասին կից, Դիլիջան քաղաքի Մյասնիկյան փողոց, թիվ 30/2 հասցեի 37․0քմ հողամասն ընդլայնման կարգով իրեն օտարելու խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 37․0քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում: Նշված հողամասի նկատմամբ համայնքի սեփականության իրավունքը գրանցված է /սեփականության վկայական թիվ՝ 12122024-11-0040/:
Համայնքի ավագանին 2024թ. դեկտեմբերի 17-ի թիվ 829-Ա որոշմամբ համաձայնություն է տվել նշված 37․0քմ հողամասն ընդլայնման կարգով քաղ. Արտուշ Ալբերտի Քեռյանին օտարելու վերաբերյալ համայնքի ղեկավարի առաջարկությանը:
Ելնելով վերոգրյալից և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 8-րդ կետի, Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 6-րդ կետի, ինչպես նաև Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`

1.Դիլիջան քաղաքի Մյասնիկյան փողոց, թիվ 30/6 հասցեի խանութի սպասարկման 37․8քմ հողամասին կից գտնվող, Մյասնիկյան փողոց, թիվ 30/2 հասցեի 37․0քմ հողամասն ուղղակի վաճառքի ձևով /ընդլայնման կարգով/ օտարել քաղ. Արտուշ Ալբերտի Քեռյանին: Հողամասի արժեքը կազմում է 252870 դրամ:
2․Քաղ. Արտուշ Ալբերտի Քեռյանին պատկանող, Դիլիջան քաղաքի Մյասնիկյան փողոց, թիվ 30/6 հասցեի 37․8քմ  և Մյասնիկյան փողոց, թիվ 30/2 հասցեի 37․0քմ մակերեսներով հողամասերի միավորման արդյունքում առաջացած 74․8քմ հողամասը հասցեակոչել Տավուշի մարզ, Դիլիջան համայնք, Դիլիջան քաղաք, Մյասնիկյան փողոց, թիվ 30/6 հասցեով:
3.Կնքել հողի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
4.Պարտավորեցնել քաղ. Արտուշ Քեռյանին.
1)Դիլիջանի համայնքապետարանի 900405051104 հաշվարկային հաշվին մուծել հողամասի կադաստրային արժեքը` 252870 /երկու հարյուր հիսուներկու հազար ութ հարյուր յոթանասուն/ դրամ, վերջինիս մուծման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի  սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: