Անշարժ գույքի նկատմամբ սեփականության իրավունքը հաստատող փաստաթղթերի համաձայն` սեփականության իրավունքի վկայական թիվ 30072024-11-0029, Դիլիջան համայնքի Դիլիջան քաղաքի Կալինինի փողոց, թիվ 161 հասցեի բնակելի տունը 660․0քմ տնամերձ հողամասով պատկանում է քաղ. Վարդան Վոլոդյայի Հախվերդյանին: Վերջինս դիմել է Դիլիջանի համայնքի ղեկավարին՝ նշված հողամասին կից, Դիլիջան քաղաքի Կալինինի փողոց, թիվ 161/1 հասցեի 203․8քմ հողամասն ընդլայնման կարգով իրեն օտարելու խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 203․8քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման իններորդ գոտում: Նշված հողամասի նկատմամբ համայնքի սեփականության իրավունքը գրանցված է /սեփականության վկայական թիվ՝ 24122024-11-0015/:
Համայնքի ավագանին 2024թ. դեկտեմբերի 17-ի թիվ 834-Ա որոշմամբ համաձայնություն է տվել նշված 203․8քմ հողամասն ընդլայնման կարգով քաղ. Վարդան Վոլոդյայի Հախվերդյանին օտարելու վերաբերյալ համայնքի ղեկավարի առաջարկությանը:
Ելնելով վերոգրյալից և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 8-րդ կետի, Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 6-րդ կետի, ինչպես նաև Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման 50-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`

1.Դիլիջան քաղաքի Կալինինի փողոց, թիվ 161 բնակելի տան 660․0քմ տնամերձ հողամասին կից գտնվող, Կալինինի փողոց, թիվ 161/1 հասցեի 203․8քմ հողամասն ուղղակի վաճառքի ձևով /ընդլայնման կարգով/ օտարել քաղ. Վարդան Վոլոդյայի Հախվերդյանին: Հողամասի արժեքը կազմում է 2142713 դրամ:
2.Քաղ. Վարդան Վոլոդյայի Հախվերդյանին պատկանող, Դիլիջան քաղաքի Կալինինի փողոց, թիվ 161 հասցեի 660․0քմ  և Կալինինի փողոց, թիվ 161/1 հասցեի 203․8քմ մակերեսներով հողամասերի միավորման արդյունքում առաջացած 863․8քմ հողամասը հասցեակոչել Տավուշի մարզ, Դիլիջան համայնք, Դիլիջան քաղաք, Կալինինի փողոց, թիվ 161 հասցեով:
3.Կնքել հողի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
4.Պարտավորեցնել քաղ. Վարդան Հախվերդյանին.
1)Դիլիջանի համայնքապետարանի 900405051104 հաշվարկային հաշվին մուծել հողամասի կադաստրային արժեքը` 2142713 /երկու միլիոն հարյուր քառասուներկու հազար յոթ հարյուր տասներեք/ դրամ, վերջինիս մուծման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի  սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: