Դիլիջանի համայնքի ղեկավարին է դիմել քաղ. Եվա Կամոյի Իսկանդարյանը՝ Դիլիջան համայնքի Դիլիջան քաղաքի Թբիլիսյան խճուղի թիվ 91 հասցեի, իրեն սեփականության իրավունքով պատկանող 6500.0քմ հողամասին կից գտնվող /Թբիլիսյան խճուղի թիվ 91/1 հասցեի/ 2508.8քմ մակերեսով հողամասը ընդլայնման կարգով իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 2508.8քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Թբիլիսյան խճուղի թիվ 91/1 հասցեի 2508.8քմ հողամասն ուղղակի վաճառքի ձևով, ընդլայնման կարգով, 17145892 /տասնյոթ միլիոն հարյուր քառասունհինգ հազար ութ հարյուր իննսուներկու/ ՀՀ դրամ արժեքով օտարել քաղ. Եվա Կամոյի Իսկանդարյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է. 1. Տալ համաձայնություն՝ Դիլիջան համայնքի Դիլիջան քաղաքի Թբիլիսյան խճուղի թիվ 91/1 հասցեի 2508.8քմ հողամասն, ընդլայնման կարգով, ուղղակի վաճառքի ձևով, 17145892 /տասնյոթ միլիոն հարյուր քառասունհինգ հազար ութ հարյուր իննսուներկու/ ՀՀ դրամ արժեքով քաղ. Եվա Կամոյի Իսկանդարյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |