Համայնքի վարչական սահմաններում գտնվող հողամասերի ընթացիկ հաշվառման և հողային հաշվեկշռի կազմման նպատակով, Դիլիջանի համայնքապետարանի քաղաքաշինության և հողաշինության հարցերի հանձնաժողովը առաջարկություն է ներկայացրել համայնքի ղեկավարին Դիլիջան համայնքի վարչական սահմաններում ընդգրկված, Դիլիջան քաղաքի 11-042-0117-0001 ծածկագրով գյուղատնտեսական նշանակության  0.05211հա հողամասի նկատմամբ պետականորեն գրանցել համայնքի սեփականության իրավունքը /կցվում է հողամասի գլխավոր հատակագիծը/: Նշված հողամասը հանդիսանում է համայնքի սեփականությունը համաձայն Հայաստանի Հանրապետության կառավարության 29 դեկտեմբերի 2005 թվականի թիվ 2369-Ն որոշման, գտնվում է Գյուղատնտեսական հողերի կազմում, որպես արոտավայր: Նշված հողամասում դեռևս խորհրդային տարիներից առկա է հեռուստաաշտարակ, որը ներկայում գտնվում է «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերության հաշվեկշռում:
Ղեկավարվելով Հայաստանի Հանրապետության Հողային օրենսգրքի 56 հոդվածի 5-րդ կետի և 7-րդ հոդվածի 8-րդ մասի, Հայաստանի Հանրապետության կառավարության 2009թ. սեպտեմբերի 17-ի թիվ 1066-Ն որոշմամբ հաստատված կարգի 7-րդ կետի և 2005թ. դեկտեմբերի 29-ի թիվ 2387-Ն որոշման, ինչպես նաև<<Տեղական ինքնակառավարման մասին>> օրենքի 43-րդ հոդվածի 2-րդ մասի 1-ին կետի և 35-րդ հոդվածի 1-ին մասի 22-րդ կետի պահանջներով, հիմք ընդունելով Հայաստանի Հանրապետության վարչապետի 2009թ. դեկտեմբերի 22-ի թիվ 1064-Ա որոշմամբ ստեղծված «ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի» 2023թ. սեպտեմբերի 29-ի թիվ 2/փ-325 եզրակացությունը և Դիլիջանի համայնքի ավագանու 2023թ. հոկտեմբերի 12-ի «Հայաստանի Հանրապետության Տավուշի մարզի Դիլիջան խոշորացված համայնքի միկրոռեգիոնալ մակարդակի համակցված տարածական պլանավորման փաստաթղթում 11-042-0117-0001 ծածկագրով հողամասի նպատակային նշանակության փոփոխությունը հաստատելու մասին» թիվ 465-Ա որոշումը `

1.Հաստատել Դիլիջան համայնքի սեփականությունը հանդիսացող, Հաղարծին գյուղի վարչական սահմաններում գտնվող 11-042-0117-0001  ծածկագրով 0.05211հա մակերեսով գյուղատնտեսական նպատակային նշանակության փոփոխությունը, որպես Էներգետիկայի, կապի, տրանսպորտի, կոմունալ ենթակառուցվածքների օբյեկտների հող, գործառնական նշանակությունը՝ կապի /կցվում է հողամասի գլխավոր հատակագիծը/:
2.Դիլիջան համայնքի Հաղարծին գյուղի 11-042-0117-0001 կադաստրային ծածկագրով 0.05211հա մակերեսով հողամասին տրամադրել հասցե՝ Տավուշի մարզ, Դիլիջան համայնք, Դիլիջան քաղաք, Հաղարծին գյուղ, թիվ 4:
3.Դիմել Հայաստանի Հանրապետության կադաստրի կոմիտեի սպասարկման գրասենյակ՝ Դիլիջանի համայնքի հողերի կադաստրային քարտեզի 11-042-0117-0001 կադաստրային ծածկագրով 0.05211հա մակերեսով հողամասի նկատմամբ համայնքի սեփականության իրավունքը պետականորեն գրանցելու նպատակով:
3.Սույն որոշումն ուժի մեջ է մտնում ստորագրման պահից: