Անշարժ գույքի նկատմամբ սեփականության իրավունքը հաստատող փաստաթղթերի համաձայն` սեփականության իրավունքի վկայական թիվ 16082023-11-0061, Դիլիջան համայնքի Դիլիջան քաղաքի Կամարինի փողոց, թիվ 60/1 հասցեի բնակելի տունը 597․0քմ տնամերձ հողամասով պատկանում է քաղ. Աշոտ Ռուդիկի Ալիխանյանին: Վերջինս դիմել է Դիլիջանի համայնքի ղեկավարին՝ նշված հողամասին կից, Դիլիջան քաղաքի Օրջոնիկիձեի փողոց, 4-րդ նրբ․ թիվ 1/1 հասցեի 64․1քմ հողամասն ընդլայնման կարգով իրեն օտարելու խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 64․1քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում: Նշված հողամասի նկատմամբ համայնքի սեփականության իրավունքը գրանցված է /սեփականության վկայական թիվ՝ 15102025-11-0021/:
Համայնքի ավագանին 2025թ. հոկտեմբերի 09-ի թիվ 998-Ա որոշմամբ համաձայնություն է տվել նշված 64․1քմ հողամասն ընդլայնման կարգով քաղ. Աշոտ Ռուդիկի Ալիխանյանին օտարելու վերաբերյալ համայնքի ղեկավարի առաջարկությանը:
Ելնելով վերոգրյալից և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 8-րդ կետի, Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 6-րդ կետի, ինչպես նաև Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման 50-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`

1.Դիլիջան քաղաքի Կամարինի փողոց, թիվ 60/1 բնակելի տան 597․0քմ տնամերձ հողամասին կից գտնվող, Օրջոնիկիձեի փողոց, 4-րդ նրբ․ թիվ 1/1 հասցեի 64․1քմ հողամասն ուղղակի վաճառքի ձևով /ընդլայնման կարգով/ օտարել քաղ. Աշոտ Ռուդիկի Ալիխանյանին: Հողամասի արժեքը կազմում է 438079 դրամ:
2.Քաղ. Աշոտ Ռուդիկի Ալիխանյանին պատկանող, Դիլիջան քաղաքի Կամարինի փողոց, թիվ 60/1 հասցեի 597․0քմ  և Օրջոնիկիձեի փողոց, 4-րդ նրբ․ թիվ 1/1 հասցեի 64․1քմ մակերեսներով հողամասերի միավորման արդյունքում առաջացած 661․1քմ հողամասը հասցեակոչել Տավուշի մարզ, Դիլիջան համայնք, Դիլիջան քաղաք, Կամարինի փողոց, թիվ 60/1 հասցեով:
3.Կնքել հողի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
4.Պարտավորեցնել քաղ. Աշոտ Ալիխանյանին.
1)Դիլիջանի համայնքապետարանի 900405051104 հաշվարկային հաշվին մուծել հողամասի կադաստրային արժեքը` 438079 /չորս հարյուր երեսունութ հազար յոթանասունինը/ դրամ, վերջինիս մուծման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի  սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: