Դիլիջան համայնքի ղեկավարին է դիմել քաղաքացի Սեդա Հովսեփյանը՝ Դիլիջան համայնքի Դիլիջան քաղաքի Այգեստան փողոց թիվ 17/2 հասցեի՝ իր սեփականությունը հանդիսացող 0.00219հա հողամասում առևտրի սրահի կառուցման նախագծման թույլտվություն (ճարտարապետահատակագծային առաջադրանք) ստանալու խնդրանքով: Քաղաքացուն տրամադրված 16.09.2024թ. թիվ Ա1-149 նախագծման թույլտվության համաձայն՝ նախատեսվում է նշված 0.00219հա հողամասի գործառնական նշանակությունը փոխել որպես հասարակական կառուցապատման հող:
Ելնելով վերոգրյալից և ղեկավարվելով Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ հաստատված կարգի 25-րդ կետի, Հայաստանի Հանրապետության կառավարության 2011թ․ դեկտեմբերի 29-ի թիվ 1920-Ն որոշման 24-րդ կետի 3) ենթակետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով`

1.Քաղաքացի Սեդա Հովսեփյանի սեփականությունը հանդիսացող՝ Դիլիջան քաղաքի Այգեստան փողոց թիվ 17/2 հասցեի 0.00219հա հողամասի գործառնական նշանակությունը փոխել որպես հասարակական կառուցապատման:
2.Պարտավորեցնել քաղ․ Սեդա Հովսեփյանին.
1)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված փոփոխությունը պետականորեն գրանցելու նպատակով:
3.Սույն որոշումն ուժի մեջ է մտնում ստորագրման պահից: