Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ քաղ․ Գուրգեն Նասլեթի Ղազարյանի կողմից Դիլիջան համայնքի Դիլիջան քաղաքի Շամախյան փողոց թիվ 3ա/12, Շամախյան փողոց թիվ 3ա/13 հասցեների և հարակից համայնքային սեփականություն հանդիսացող հողամասերում ինքնակամ կառուցվել է շինություն, մասնավորապես՝ 42.38քմ ընդհանուր արտաքին մակերեսով ավտոտնակ: Վերջինիս զբաղեցրած հողամասի մակերեսը կազմում է 57.6քմ /կցվում է հողամասի գլխավոր հատակագիծը/:
Հանձնաժողովը նշում է, որ վերոհիշյալ շինությունը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, համապատասխանում է գործող քաղաքաշինության կանոններին, սպասարկող հողամասը չի մտնում Հայաստանի Հանրապետության Հողային օրենսգրքի 60 հոդվածով նախատեսված հողերի կազմ, առկա է հաշվառման (չափագրման) տվյալների մուտքագրման տեղեկանքը՝ ծածկագիր թիվ 2023CEGTUL: Նշված հողամասը հանդիսանում է համայնքի սեփականությունը համաձայն Հայաստանի Հանրապետության կառավարության 21 հուլիսի 2005 թվականի թիվ 1767-Ն որոշման, ըստ համայնքի կադաստրային քարտեզի՝ նշված 57.6քմ հողամասը ընդգրկված է «Բնակավայրերի հողերի» կազմում, որպես «այլ հողեր»: Հանձնաժողովը առաջարկություն է ներկայացրել համայնքի ղեկավարին՝ Դիլիջանի համայնքի Դիլիջան քաղաքի Շամախյան փողոց թիվ 3ա/12 և Շամախյան փողոց թիվ 3ա/13 հասցեների անշարժ գույքերի նկատմամբ համայնքի սեփականության իրավունքը վերագրանցել:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 731-Ն որոշմամբ հաստատված կարգի 2-րդ կետի, 2005թ. դեկտեմբերի 29-ի թիվ 2387-Ն որոշման 50-րդ կետի,2006թ. մայիսի 18-ի թիվ 912-Ն որոշման IV բաժնի և 2011թ. դեկտեմբերի 29-ի թիվ 1920-Ն որոշման 24-րդ կետի 3-րդ ենթակետի, Հայաստանի Հանրապետության Քաղաքացիական օրենսգրքի 188 հոդվածի 2-րդ և 4-րդ մասերի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 22-րդ կետի պահանջներով`
1. Վերոնշյալ 57.6քմ մակերեսով հողամասի գործառնական նշանակությունը փոփոխել որպես բնակելի կառուցապատման և հաշվառել համայնքի հողերի ֆոնդի տարեկան հաշվեկշռում:
2. Դիլիջանի համայնքի վարչական սահմաններում ընդգրկված, Դիլիջան քաղաքի Շամախյան փողոց թիվ 3ա/12 հասցեի 20․0քմ և Շամախյան փողոց թիվ 3ա/13 հասցեի 20․0քմ հողամասերի միավորումից առաջացած 40.0քմ հողամասի նկատմամբ վերագրանցել համայնքի սեփականության իրավունքը 57.6քմ մակերեսով և վերջինիս տրամադրել նոր հասցե՝ Տավուշի մարզ, Դիլիջան համայնք, Դիլիջան քաղաք, Մոլդովական փողոց, թիվ 22/8:
3. Քաղ․ Գուրգեն Նասլեթի Ղազարյանի կողմից, Դիլիջան համայնքի Դիլիջան քաղաքի Մոլդովական փողոց թիվ 22/8 հասցեի համայնքային սեփականություն հանդիսացող 57.6քմ հողամասում ինքնակամ կառուցված 42.38քմ արտաքին մակերեսով ավտոտնակի նկատմամբ ճանաչել Դիլիջան համայնքի սեփականության իրավունքը և օրինականացնել:
4. Դիմել Հայաստանի Հանրապետության կադաստրի կոմիտեի սպասարկման գրասենյակ՝ վերոնշյալ ավտոտնակի և վերջինիս զբաղեցրած 57.6քմ հողամասի նկատմամբ համայնքի սեփականության իրավունքը գրանցելու նպատակով:
5. Հայաստանի Հանրապետության կառավարության 2006թ. մայիսի 18-ի թիվ 912-Ն որոշման 34 կետի համաձայն՝ գրավոր առաջարկություն ներկայացնել վերոհիշյալ ինքնակամ շինարարությունն իրականացրած քաղ․ Գուրգեն Նասլեթի Ղազարյանին՝ նշված հողամասի և շինության տրամադրման նպատակով:
6. Սույն որոշումն ուժի մեջ է մտնում ստորագրման պահից: