Դիլիջանի համայնքի ղեկավարի 2024թ. փետրվարի 23-ի թիվ 273-Ա որոշմամբ, Դիլիջան համայնքի Դիլիջան քաղաքի Այգեստան փողոց թիվ 2/15 հասցեի համայնքային սեփականություն հանդիսացող հողամասում քաղ. Էդիկ Գուրգենի Մնացականյանի կողմից ինքնակամ կառուցված 49․5քմ արտաքին մակերեսով ավտոտնակի նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 13032024-11-0026/:
Գրավոր առաջարկություն է ներկայացվել քաղ. Էդիկ Մնացականյանին` Դիլիջան համայնքի Դիլիջան քաղաքի Այգեստան փողոց թիվ 2/15 հասցեի ավտոտնակը՝ 49․5քմ արտաքին մակերեսով և վերջինիս զբաղեցրած 49․5քմ հողամասը, համապատասխանաբար, 114642 դրամ և 338298 դրամ արժեքներով ձեռք բերելու նպատակով: Վերջինս տվել է իր համաձայնությունը: 
Համայնքի ղեկավարը նշված ավտոտնակը և վերջինիս զբաղեցրած 49․5քմ հողամասը քաղ. Էդիկ Գուրգենի Մնացականյանին օտարելու վերաբերյալ առաջարկությունը ներկայացրել է համայնքի ավագանու համաձայնեցմանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով` համայնքի ավագանին որոշում է.

1. Տալ համաձայնություն՝ Դիլիջան համայնքի Դիլիջան քաղաքի Այգեստան փողոց թիվ 2/15 հասցեի ավտոտնակը՝ 49․5քմ արտաքին մակերեսով և վերջինիս զբաղեցրած 49․5քմ հողամասը, համապատասխանաբար, 114642 դրամ և 338298 դրամ արժեքներով քաղ. Էդիկ Գուրգենի Մնացականյանին  օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: