Դիլիջան համայնքի ղեկավարին է դիմել քաղ. Անահիտ Օրդյանը՝ իր և Դիլիջան համայնքի միջև 29/04/2019թ. կնքված խոտհարքից օգտվելու պայմանագիրը լուծելու և Դիլիջան քաղաքի <<Պուճուր Դիլի>> կոչվող հանդամասի գյուղատնտեսական նշանակության հողերից 0.45հա մակերեսով հողամասը որպես խոտհարք օգտագործելու իրավունք ստանալու խնդրանքով:
Ելնելով վերոգրյալից և ղեկավարվելով Հայաստանի Հանրապետության կառավարության 2010թ. հոկտեմբերի 28-ի թիվ 1477-Ն որոշման 1-ին կետի և Հայաստանի Հանրապետության Քաղաքացիական օրենսգրքի 466-րդ և 468-րդ հոդվածների պահանջներով`

1. Հայաստանի Հանրապետության օրենսդրությամբ սահմանված կարգով լուծել Դիլիջան համայնքի և քաղ. Անահիտ Օրդյանի միջև 29/04/2019թ. կնքված խոտհարքից օգտվելու պայմանագիրը:
2. Քաղ. Անահիտ Օրդյանին տրամադրել Դիլիջան քաղաքի <<Պուճուր Դիլի>> կոչվող հանդամասի 0.45հա խոտհարքից մինչև 17.01.2025թ. օգտվելու իրավունք /կցվում է հողամասի գլխավոր հատակագիծը/:
3. Խոտհարքից օգտվելու տարեկան վճարի չափը սահմանել 4500 դրամ:
4. Քաղաքացու հետ կնքել խոտհարքից օգտվելու պայմանագիր` Հայաստանի Հանրապետության կառավարության 2010թ. հոկտեմբերի 28-ի թիվ 1477-Ն որոշմամբ սահմանված կարգով:
5. Սույն որոշումն ուժի մեջ է մտնում ստորագրման պահից: