Դիլիջանի համայնքի ղեկավարի 2024թ. փետրվարի 22-ի թիվ 268-Ա որոշմամբ, Դիլիջան համայնքի Դիլիջան քաղաքի Մյասնիկյան փողոց թիվ 76/6 հասցեի համայնքային սեփականություն հանդիսացող հողամասում քաղ. Զաքար Վալիկի Գաբրիելյանի կողմից ինքնակամ կառուցված 96․1678քմ արտաքին մակերեսով բնակելի տան նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 20032024-11-0060/:
Գրավոր առաջարկություն է ներկայացվել քաղ. Զաքար Գաբրիելյանին` Դիլիջան համայնքի Դիլիջան քաղաքի Մյասնիկյան փողոց թիվ 76/6 հասցեի բնակելի տունը՝ 96․1678քմ արտաքին մակերեսով և վերջինիս զբաղեցրած 45․4քմ հողամասը, համապատասխանաբար, 786172 դրամ և 477327 դրամ արժեքներով ձեռք բերելու նպատակով: Վերջինս տվել է իր համաձայնությունը: 
Համայնքի ղեկավարը նշված բնակելի տունը և վերջինիս զբաղեցրած 45․4քմ հողամասը քաղ. Զաքար Վալիկի Գաբրիելյանին օտարելու վերաբերյալ առաջարկությունը ներկայացրել է համայնքի ավագանու համաձայնեցմանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով` համայնքի ավագանին որոշում է.

1. Տալ համաձայնություն՝ Դիլիջան համայնքի Դիլիջան քաղաքի Մյասնիկյան փողոց թիվ 76/6 հասցեի բնակելի տունը՝ 96․1678քմ արտաքին մակերեսով և վերջինիս զբաղեցրած 45․4քմ հողամասը, համապատասխանաբար, 786172 դրամ և 477327 դրամ արժեքներով քաղ. Զաքար Վալիկի Գաբրիելյանին  օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: