Համաձայն 2011թ. փետրվարի 23-ի ըստ օրենքի ժառանգության իրավունքի վկայագրերի՝ Դիլիջան համայնքի Հովք գյուղում գտնվող 0.16հա տնամերձ հողամասի նկատմամբ սեփականության իրավունքը ձեռք է բերել քաղ. Անդրանիկ Վաչիկի Արզումանյանը: Վերջինս դիմել է Դիլիջանի համայնքի ղեկավարին՝ նշված անշարժ գույքի փաստաթղթղային կարգավիճակը որոշելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմել է 0.17154հա:
Նշված տնամերձ հողամասում առկա բնակելի տան և անասնաշենքի շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղ. Անդրանիկ Վաչիկի Արզումանյանը ձեռք է բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման 50-րդ կետի, Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի 2-րդ հոդվածի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Դիլիջան համայնքի Հովք գյուղում գտնվող 11-044-0105-0004 կադաստրային ծածկագրով 0.17154հա հողամասին և բնակելի տանը տրամադրել հասցե` Տավուշի մարզ, Դիլիջան համայնք, Հովք գյուղ, 1-ին փողոց թիվ 19:
2. Դիլիջան համայնքի Հովք գյուղի 1-ին փողոց թիվ 19 հասցեի 0.17154հա հողամասի, բնակելի տան և օժանդակ շինության /անասնաշենք/ նկատմամբ ճանաչել քաղ. Անդրանիկ Վաչիկի Արզումանյանի սեփականության իրավունքը:
3. Պարտավորեցնել քաղ. Անդրանիկ Արզումանյանին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: