Անշարժ գույքի նկատմամբ սեփականության իրավունքը հաստատող փաստաթղթերի համաձայն` սեփականության իրավունքի վկայական թիվ 09072024-11-0055, Դիլիջան համայնքի Դիլիջան քաղաքի Շամախյան փողոց, թիվ 38/2 հասցեի 1308․3քմ բնակելի կառուցապատման հողամասը պատկանում է քաղ. Կարեն Ալեքսեյի Աղաջանյանին: Վերջինս դիմել է Դիլիջանի համայնքի ղեկավարին՝ նշված հողամասին կից, Դիլիջան քաղաքի Շամախյան փողոց, թիվ 38/5 հասցեի 190․9քմ հողամասն ընդլայնման կարգով իրեն օտարելու խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 190․9քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում: Նշված հողամասի նկատմամբ համայնքի սեփականության իրավունքը գրանցված է /սեփականության վկայական թիվ՝ 17042025-11-0001/:
Համայնքի ավագանին 2025թ. հոկտեմբերի 09-ի թիվ 984-Ա որոշմամբ համաձայնություն է տվել նշված 190․9քմ հողամասն ընդլայնման կարգով քաղ. Կարեն Ալեքսեյի Աղաջանյանին օտարելու վերաբերյալ համայնքի ղեկավարի առաջարկությանը:
Ելնելով վերոգրյալից և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 8-րդ կետի, Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 6-րդ կետի, ինչպես նաև Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`

1. Դիլիջան քաղաքի Շամախյան փողոց, թիվ 38/2 հասցեի 1308․3քմ բնակելի կառուցապատման հողամասին կից գտնվող, Շամախյան փողոց, թիվ 38/5 հասցեի 190․9քմ հողամասն ուղղակի վաճառքի ձևով /ընդլայնման կարգով/ օտարել քաղ. Կարեն Ալեքսեյի Աղաջանյանին: Հողամասի արժեքը կազմում է 1304668 դրամ:
2. Քաղ. Կարեն Ալեքսեյի Աղաջանյանին պատկանող, Դիլիջան քաղաքի Շամախյան փողոց, թիվ 38/2 հասցեի 1308․3քմ  և Շամախյան փողոց, թիվ 38/5 հասցեի 190․9քմ մակերեսներով հողամասերի միավորման արդյունքում առաջացած 1499․2քմ հողամասը հասցեակոչել Տավուշի մարզ, Դիլիջան համայնք, Դիլիջան քաղաք, Շամախյան փողոց, թիվ 38/2 հասցեով:
3. Կնքել հողի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
4. Պարտավորեցնել քաղ. Կարեն Աղաջանյանին.
1) Դիլիջանի համայնքապետարանի 900405051104 հաշվարկային հաշվին մուծել հողամասի կադաստրային արժեքը` 1304668 /մեկ միլիոն երեք հարյուր չորս հազար վեց հարյուր վաթսունութ/ դրամ, վերջինիս մուծման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կադաստրի կոմիտեի  սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
5. Սույն որոշումն ուժի մեջ է մտնում ստորագրման պահից: