Անշարժ գույքի նկատմամբ սեփականության իրավունքը հաստատող փաստաթղթերի համաձայն` սեփականության իրավունքի վկայական թիվ 14082024-11-0062, Դիլիջան համայնքի Դիլիջան քաղաքի Մոլդովական փողոց, թիվ 1/4 հասցեի 348․0քմ հասարակական կառուցապատման հողամասը պատկանում է քաղ. Ժիրայր Էդիկի Եսայանին: Վերջինս դիմել է Դիլիջանի համայնքի ղեկավարին՝ նշված հողամասին կից, Դիլիջան քաղաքի Մոլդովական փողոց, թիվ 1/10 հասցեի 43․1քմ հողամասն ընդլայնման կարգով իրեն օտարելու խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 43․1քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում: Նշված հողամասի նկատմամբ համայնքի սեփականության իրավունքը գրանցված է /սեփականության վկայական թիվ՝ 04092024-11-0043/:
Համայնքի ավագանին 2024թ. սեպտեմբերի 13-ի թիվ 765-Ա որոշմամբ համաձայնություն է տվել նշված 43․1քմ հողամասն ընդլայնման կարգով քաղ. Ժիրայր Էդիկի Եսայանին օտարելու վերաբերյալ համայնքի ղեկավարի առաջարկությանը:
Ելնելով վերոգրյալից և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 8-րդ կետի, Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 6-րդ կետի, ինչպես նաև Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման 50-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`

1.Դիլիջան քաղաքի Մոլդովական փողոց, թիվ 1/4 հասցեի 348․0քմ հասարակական կառուցապատման հողամասին կից գտնվող, Մոլդովական փողոց, թիվ 1/10 հասցեի 43․1քմ հողամասն ուղղակի վաճառքի ձևով /ընդլայնման կարգով/ օտարել քաղ. Ժիրայր Էդիկի Եսայանին: Հողամասի արժեքը կազմում է 294559 դրամ:
2.Քաղ. Ժիրայր Էդիկի Եսայանին պատկանող, Դիլիջան քաղաքի Մոլդովական փողոց, թիվ 1/4 հասցեի 348․0քմ և Մոլդովական փողոց, թիվ 1/10 հասցեի 43․1քմ մակերեսներով հողամասերի միավորման արդյունքում առաջացած 391․1քմ հողամասը հասցեակոչել Տավուշի մարզ, Դիլիջան համայնք, Դիլիջան քաղաք, Մոլդովական փողոց, թիվ 1/4  հասցեով:
3.Կնքել հողի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
4.Պարտավորեցնել քաղ. Ժիրայր Եսայանին.
1)Դիլիջանի համայնքապետարանի 900405051104 հաշվարկային հաշվին մուծել հողամասի կադաստրային արժեքը` 294559 /երկու հարյուր իննսունչորս հազար հինգ հարյուր հիսունինը/ դրամ, վերջինիս մուծման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի  սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: