Դիլիջանի համայնքի ղեկավարին է դիմել քաղ. Վարդուհի Մանվելի Իսպիրյանը` Դիլիջան քաղաքի Անդրանիկի փողոց 3-րդ նրբ․ թիվ 33 և Անդրանիկի փողոց 3-րդ նրբ․ թիվ 35 հասցեների հողամասերի միավորումից առաջացած հողամասին հասցե տրամադրելու և ճշտված սահմաններով հատակագիծը հաստատելու խնդրանքով:
  Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ նշված հողամասերի մակերեսը և սահմանները երբևէ փոփոխությունների չեն ենթարկվել, իսկ հողամասի հատակագծի ուրվագծային չափերը ենթակա են ուղղման /փոփոխման/, քանի որ վերջինս չի համապատասխանում հողամասի իրական սահմաններին: Այդ նպատակով, հողամասի սեփականատիրոջ միջոցներով իրականացվել է տարածքի սահմանների ճշգրիտ չափագրություն պետական որակավորում ունեցող անձի կողմից: Ըստ վերջինիս ներկայացրած հողամասի գլխավոր հատակագծի, ՀՀ օրենսդրությամբ սահմանված կարգով անհրաժեշտ է իրականացնել սահմանների ճշտում:
Ելնելով վերոգրյալից և ղեկավարվելով Հայաստանի Հանրապետության կառավարության 2005թ․ դեկտեմբերի 29-ի 2387-Ն որոշման 50-րդ կետի և <<Տեղական ինքնակառավարման մասին>>  օրենքի 35-րդ հոդվածի 1-ին մասի 24-րդ կետի պահանջներով`

1.Հաստատել քաղ․ Վարդուհի Մանվելի Իսպիրյանին պատկանող Դիլիջան քաղաքի Անդրանիկի փողոց 3-րդ նրբ․ թիվ 33 և Անդրանիկի փողոց 3-րդ նրբ․ թիվ 35 հասցեների հողամասերի միավորումից առաջացած 0․12հա հողամասի ճշտված սահմաններով գլխավոր հատակագիծը /կցվում է հողամասի հատակագիծը/:
2.Դիլիջան քաղաքի Անդրանիկի փողոց 3-րդ նրբ․ թիվ 33 և Անդրանիկի փողոց 3-րդ նրբ․ թիվ 35 հասցեների հողամասերի միավորումից առաջացած 0․12հա հողամասին և բնակելի տանը տրամադրել հասցե՝ Տավուշի մարզ, Դիլիջան համայնք, Դիլիջան քաղաք, Անդրանիկի փողոց, 3-րդ նրբ․ թիվ 33-35:
3.Պարտավորեցնել քաղ․ Վարդուհի Իսպիրյանին.
1)Դիմել ՀՀ կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն վերագրանցելու նպատակով:
2)«Տեղական տուրքերի և վճարների մասին» օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: