Դիլիջան համայնքի ղեկավարին են դիմել Դիլիջան համայնքի Հաղարծին բնակավայրի 7-րդ փողոցի բնակիչները՝ իրենց թաղամասում կոյուղագիծ կառուցելու խնդրանքով։ Նշված թաղամասում կոյուղագիծ առկա չէ և փողոցի  անհատական բնակելի տների կոյուղաջրերը լցվում են ճանապարհները և մոտակա տնամերձ հողամասերը՝ առաջացնելուվ սանիտարահիգիենիկ վտանգավոր իրավիճակ։ Համայնքի ղեկավարը առաջարկություն է ներկայացրել բավարարել բնակիչների դիմումը և  Հաղարծին բնակավայրում կառուցել մոտ 600 մետր երկարությամբ կոյուղագիծ։ Ելնելով վերոգրյալից և ղեկավարվելով «Տեղական ինքնակառավարման մասին» օրենքի 18-րդ հոդվածի 42-րդ մասով՝ Դիլիջան համայնքի ավագանին որոշում է․    

1. Հավանություն տալ Դիլիջան համայնքի Հաղարծին բնակավայրում կոյուղագիծ կառուցելու մասին Դիլիջան համայնքի ղեկավարի առաջարկությանը։

2. Համայնքի ղեկավարին՝ պատվիրել նախագծանախահաշվային փաստաթղթերի փաթեթ՝ համաձայն ՀՀ Գնումների մասին օրենքի։

3. Սույն որոշումը ուժի մեջ է մտնում  հրապարակմանը հաջորդող օրվանից։