Դիլիջան համայնքի ղեկավարին է դիմել քաղ. Արամ Ռազմիկի Խաչատրյանը՝ Դիլիջան համայնքի Դիլիջան քաղաքի Խորհուրդների փողոց թիվ 41/1 հասցեի, իրեն սեփականության իրավունքով պատկանող բնակելի տան սպասարկման 930.0քմ հողամասին կից գտնվող /Խորհուրդների փողոց թիվ 41 հասցեի/ 920.0քմ մակերեսով հողամասը ընդլայնման կարգով իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 920.0քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Խորհուրդների փողոց թիվ 41 հասցեի 920.0քմ հողամասն ուղղակի վաճառքի ձևով, ընդլայնման կարգով, 6287556 /վեց միլիոն երկու հարյուր ութսունյոթ հազար հինգ հարյուր հիսունվեց/ ՀՀ դրամ արժեքով օտարել քաղ. Արամ Ռազմիկի Խաչատրյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է.

1. Տալ համաձայնություն՝ Դիլիջան համայնքի Դիլիջան քաղաքի Խորհուրդների փողոց թիվ 41 հասցեի 920.0քմ հողամասն, ընդլայնման կարգով, ուղղակի վաճառքի ձևով, 6287556 /վեց միլիոն երկու հարյուր ութսունյոթ հազար հինգ հարյուր հիսունվեց/ ՀՀ դրամ արժեքով քաղ. Արամ Ռազմիկի Խաչատրյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: