Դիլիջանի համայնքի ղեկավարին Է դիմել «Բելվիկ» սահմանափակ պատասխանատվությամբ ընկերությունը՝ ի դեմս լիազորված անձ Վարդան Հախվերդյանի, Դիլիջան համայնքի Դիլիջան քաղաքի Կալինինի փողոց 4-րդ նրբ․ թիվ 7 հասցեի, ընկերությանը սեփականության իրավունքով պատկանող բնակելի տան սպասարկման 900.0քմ հողամասին կից գտնվող /Կալինինի փողոց 4-րդ նրբ․ թիվ 7/3 հասցեի/ 329.2քմ մակերեսով հողամասը ընդլայնման կարգով ընկերությանը օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 329.2քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Կալինինի փողոց 4-րդ նրբ․ թիվ 7/3 հասցեի 329.2քմ հողամասն ուղղակի վաճառքի ձևով, ընդլայնման կարգով, 2249852 /երկու միլիոն երկու հարյուր քառասունինը հազար ութ հարյուր հիսուներկու/ ՀՀ դրամ արժեքով օտարել քաղաքացի «Բելվիկ» սահմանափակ պատասխանատվությամբ ընկերությանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է.

1. Տալ համաձայնություն՝ Դիլիջան համայնքի Դիլիջան քաղաքի Կալինինի փողոց 4-րդ նրբ․ թիվ 7/3 հասցեի 329.2քմ հողամասն ուղղակի վաճառքի ձևով, ընդլայնման կարգով, 2249852 /երկու միլիոն երկու հարյուր քառասունինը հազար ութ հարյուր հիսուներկու/ ՀՀ դրամ արժեքով «Բելվիկ» սահմանափակ պատասխանատվությամբ ընկերությանը օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: