Դիլիջան համայնքի ղեկավարի 2024թ. օգոստոսի 02-ի թիվ 870-Ա որոշմամբ, Դիլիջան համայնքի Դիլիջան քաղաքի Բարեկամության փողոց, թիվ 1/9 հասցեի 40․0քմ հողամասում, քաղ. Դավիթ Լևոնի Առուստամյանի կողմից ինքնակամ կառուցված շինության, մասնավորապես՝ 25․65քմ արտաքին մակերեսով ավտոտնակի նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 13082024-11-0062/:
Գրավոր առաջարկություն է ներկայացվել քաղ. Դավիթ Առուստամյանին` վերոհիշյալ ինքնակամ շինությունը վարձակալության իրավունքով տրամադրման նպատակով, մինչև 2060թ․ դեկտեմբերի 31-ը ժամկետով: Վերջինս տվել է իր համաձայնությունը: 
Համայնքի ավագանին 2024թ. սեպտեմբերի 13-ի թիվ 761-Ա որոշմամբ համաձայնություն է տվել նշված շինությունը և վերջինիս սպասարկման հողամասը քաղ. Դավիթ Լևոնի Առուստամյանին վարձակալության իրավունքով տրամադրելու վերաբերյալ համայնքի ղեկավարի առաջարկությանը:
Ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով, հիմք ընդունելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման IV բաժնի դրույթները`

1.Դիլիջան համայնքի սեփականությունը հանդիսացող, Դիլիջան համայնքի Դիլիջան քաղաքի Բարեկամության փողոց, թիվ 1/9 հասցեում ինքնակամ կառուցված շինությունը, մասնավորապես՝ 25․65քմ ընդհանուր արտաքին մակերեսով ավտոտնակը և վերջինիս սպասարկման 40․0քմ հողամասը, 39700 դրամ արժեքով մինչև 2060թ․ դեկտեմբերի 31-ը ժամկետով վարձակալության իրավունքով տրամադրել քաղ. Դավիթ Լևոնի Առուստամյանին:
2.Կնքել հողի և շինության վարձակալության իրավունքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
3.Պարտավորեցնել քաղ. Դավիթ Առուստամյանին.
1)Դիլիջանի համայնքապետարանի 900405051344 հաշվարկային հաշվին մուծել տարեկան վճարը, այն է՝ 39700 /երեսունինը հազար յոթ հարյուր/ դրամ, վերջինիս մուծման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված հողամասի և շինության նկատմամբ վարձակալության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: