Դիլիջան համայնքի ղեկավարին են դիմել քաղաքացի Սամվել Շահենի Գևորգյանը՝ Դիլիջան համայնքի Խաչարձան գյուղի 1-ին փողոց, 4-րդ փկղ. թիվ 6 հասցեի, իրեն սեփականության իրավունքով պատկանող հասարակական շինության սպասարկման 0․1հա հողամասին կից գտնվող /1-ին փողոց, 4-րդ փկղ. թիվ 6/1 հասցեի/ 0․1հա մակերեսով հողամասն ընդլայնման կարգով իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 0․1հա հողամասը չի համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասնվեցերորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Խաչարձան գյուղի 1-ին փողոց, 4-րդ փկղ. թիվ 6/1 հասցեի 0․1հա հողամասն ուղղակի վաճառքի ձևով, ընդլայնման կարգով, 514800 /հինգ հարյուր տասնչորս հազար ութ հարյուր/ ՀՀ դրամ արժեքով օտարել քաղաքացի Սամվել Շահենի Գևորգյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է.
1. Տալ համաձայնություն՝ Դիլիջան համայնքի Խաչարձան գյուղի 1-ին փողոց, 4-րդ փկղ. թիվ 6/1 հասցեի 0․1հա հողամասն, ընդլայնման կարգով, ուղղակի վաճառքի ձևով, 514800 /հինգ հարյուր տասնչորս հազար ութ հարյուր/ ՀՀ դրամ արժեքով քաղաքացի Սամվել Շահենի Գևորգյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: