Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն Դիլիջանի Քաղխորհրդի գործկոմի 1988թ. նոյեմբերի 01-ի նիստի թիվ 14 արձանագրության, բնակելի տան կառուցման նպատակով, Դիլիջան քաղաքի Վասիլևի փողոց թիվ 42 հասցեի հողամասից քաղաքացի Մանվել Սուրենի Գուլանյանին հատկացվել է 600.0քմ հողամաս: Վերջինս դիմել է Դիլիջանի համայնքի ղեկավարին՝ նշված հասցեի հողամասի հատկացման փաստաթղթային հիմքերի վերականգնման խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված հողամասը երբևէ ետ չի վերցվել համայնքապետարանի տնօրինության տակ: Պետականորեն որակավորված անձի կողմից կազմված հատակագծի համաձայն՝ նշված հողամասի մակերեսի փաստացի չափը կազմում է 600.0քմ /կցվում է հողամասի գլխավոր հատակագիծը/:
Ելնելով վերոգրյալից և ղեկավարվելով Հայաստանի Հանրապետության կառավարության 1991թ. մարտի 13-ի թիվ 209 որոշման, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի, ինչպես նաև Հայաստանի Հանրապետության Հողային օրենսգրքի 64-րդ հոդվածի 16-րդ կետի պահանջներով`
1. Դիլիջանի Քաղխորհրդի գործկոմի 1988թ. նոյեմբերի 01-ի նիստի թիվ 14 արձանագրության համաձայն՝ քաղաքացի Մանվել Սուրենի Գուլանյանին հատկացված հողամասին տրամադրել հասցե` Տավուշի մարզ, Դիլիջան համայնք, Դիլիջան քաղաք, Վասիլևի փողոց, թիվ 42/3:
2. Վերականգնել Դիլիջան քաղաքի Վասիլևի փողոց թիվ 42/3 հասցեի տնամերձ հողամասի /կցվում է հողամասի գլխավոր հատակագիծը/ փաստաթղթային հիմքերը` 600.0քմ մակերեսով, քաղ. Մանվել Սուրենի Գուլանյանի /ծնված՝ 01.04.1963թ․/ սեփականության իրավունքով:
3. Պարտավորեցնել քաղ․ Մանվել Գուլանյանին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: