Դիլիջան համայնքի ղեկավարի 2023թ. հոկտեմբերի 13-ի թիվ 895-Ա որոշմամբ, Դիլիջան համայնքի Դիլիջան քաղաքի Մյասնիկյան փողոց թիվ 126/2 հասցեի 22․8քմ հողամասում, քաղ. Հարություն Վաղարշակի Փահլևանյանի կողմից ինքնակամ կառուցված շինության, մասնավորապես՝ 22․8քմ արտաքին մակերեսով ավտոտնակի նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 21062024-11-0075/:
Գրավոր առաջարկություն է ներկայացվել քաղ. Հարություն Փահլևանյանին` վերոհիշյալ ինքնակամ շինությունը ձեռք բերելու նպատակով: Վերջինս տվել է իր համաձայնությունը:
Համայնքի ավագանին 2024թ. հունիսի 26-ի թիվ 743-Ա որոշմամբ համաձայնություն է տվել նշված շինությունը և վերջինիս սպասարկման հողամասը քաղ. Հարություն Վաղարշակի Փահլևանյանին օտարելու վերաբերյալ համայնքի ղեկավարի առաջարկությանը:
Ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով, հիմք ընդունելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման IV բաժնի դրույթները`
1.Դիլիջան համայնքի սեփականությունը հանդիսացող, Դիլիջան համայնքի Դիլիջան քաղաքի Մյասնիկյան փողոց թիվ 126/2 հասցեում ինքնակամ կառուցված շինությունը, մասնավորապես՝ 22․8քմ ընդհանուր արտաքին մակերեսով ավտոտնակը և վերջինիս սպասարկման 22․8քմ հողամասը, համապատասխանաբար, 52805 դրամ և 155823 դրամ արժեքներով օտարել քաղ. Հարություն Վաղարշակի Փահլևանյանին:
2.Կնքել հողի և շինության առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
3.Պարտավորեցնել քաղ. Հարություն Փահլևանյանին.
1)Դիլիջանի համայնքապետարանի 900405051104 հաշվարկային հաշվին մուծել 155823 /հարյուր հիսունհինգ հազար ութ հարյուր քսաներեք/ դրամ, 900405051450 հաշվարկային հաշվին` 52805 /հիսուներկու հազար ութ հարյուր հինգ/ դրամ, վերջիններիս մուծման անդորրագրերը սույն որոշման անբաժանելի մասն են:
2)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված հողամասի և շինության նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: