ՆԱԽԱԳԻԾ

Համաձայն 2024թ. հունիսի 10-ի ըստ օրենքի ժառանգության իրավունքի վկայագրի՝ Դիլիջան համայնքի Հովք գյուղի 3-րդ փողոց թիվ 1 հասցեի բնակելի տան և տնամերձ հողամասի 1/7-րդի նկատմամբ սեփականության իրավունքը ձեռք է բերել քաղ. Վլադիսլավ Անդրոնիկի Սահակյանը: Վերջինս դիմել է Դիլիջան համայնքի ղեկավարին` նշված բնակելի տան սպասարկման տնամերձ հողամասի գլխավոր հատակագիծը հաստատելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմել է 1230 քմ:
Նշված տնամերձ հողամասում առկա բնակելի տան և օժանդակ շինության ձևափոխությունների շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղ. Վլադիսլավ Անդրոնիկի Սահակյանը ձեռք է բերում սեփականության իրավունք:

Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման, Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի 2-րդ հոդվածի, ինչպես նաև <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 24-րդ կետի պահանջներով`

1.Հաստատել Դիլիջան համայնքի Հովք գյուղի 3-րդ փողոց 1 հասցեի բնակելի տան 11-044-0009-0010 ծածկագրով տնամերձ հողամասի գլխավոր հատակագիծը՝ 1230քմ մակերեսով քաղ.  Վլադիսլավ Անդրոնիկի Սահակյանի  (ծնված 23.08.1955թ.) սեփականության իրավունքով /կցվում է հողամասի գլխավոր հատակագիծը/:
2.Նշված տնամերձ հողամասում առկա բնակելի տան և օժանդակ շինության ձևափոխությունների նկատմամբ ճանաչել քաղ. Վլադիսլավ Անդրոնիկի Սահակյանի  (ծնված 23.08.1955թ.) սեփականության իրավունքը:
3.Պարտավորեցնել համասեփականատերերին 
1)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2)<<Տեղական տուրքերի և վճարների մասին>> Հայաստանի Հանրապետության օրենքի և համայնքի ավագանու 2022թ. դեկտեմբերի 01-ի թիվ 234-Ն որոշման համաձայն կատարել համապատասխան վճարումները:

4.Սույն որոշումն ուժի մեջ է մտնում ստորագրման պահից: