Շվեյցարիայի զարգացման և համագործակցության գործակալության և Գերմանիայի Դաշնության տնտեսական զարգացման և համագործակցության նախարարության ֆինանսական օժանդակությամբ 2021 թվականի նոյեմբեր ամսին Հայաստանի Հանրապետության համայնքներում մեկնարկել է համավարակի հետևանքները մեղմելուն ուղղված դրամաշնորհային ծրագրի 2-րդ փուլը։ Ծրագրի համակարգումը ստանձնել է ԳՄՀԸ (Գերմանիայի միջազգային համագործակցության ընկերություն ) կողմից իրականացվող «Լավ կառավարում հանուն տեղական զարգացման Հարավային Կովկասում» ծրագիրը՝ ՀՀ ՏԿԵՆ (ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅՈՒՆ) հետ համատեղ:
Համայնքապետարանի կողմից ներկայացվել է ծրագիր՝ «Դիլիջան համայնքում տաղավարների հիմնում՝ գյուղատնտեսական ապրանքների վաճառքի համար»։ Տաղավարների կառուցումը հնարավորություն կտա գյուղատնտեսությամբ զբաղվողներին առանց միջնորդի իրենց արտադրանքը ներկայացնել և վաճառել բնակիչներին ու զբոսաշրջիկներին, ինչն էլ կխթանի փողոցային առևտրի վերացմանը։
Ծրագիրի իրականացման դեպքում էկոլոգիական վնաս չի պատճառվի, քանզի տաղավարները կկառուցվեն բնական փայտից։ Իսկ կառավարումն ու տեխնիկական սպասարկումը կիրականցվի համայնքապետարանի ենթակառուցվածքների միջոցով։
Դրամաշնորհ ստանալու հայտը ներկայացվել է և ստացել նախնական հաստատման։
Ծրագրի ընդհանուր արժեքը կազմել է 7.733.000 ՀՀ դրամ․
Հայտավորվող ֆինանսական միջոցները՝ 6.109.000 ՀՀ դրամ․
Համայնքի համաֆինանսավորման չափը՝ 1.624.000 ՀՀ դրամ, ինչը կազմում է ընդհանուր բյուջեի 21%-ը։
Հաշվի առնելով վերոգրյալը և ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով՝ համայնքի ավագանին որոշում է․
1. Հավանություն տալ Գերմանիայի միջազգային համագործակցության ընկերության և Հայաստանի Հանրապետության տարածքային կառավարման և ենթակառուցվածքների նախարարության կողմից՝ համավարակի հետևանքները մեղմելուն ուղղված ծրագրի 2-րդ փուլի շրջանակներում ներկայացված «Դիլիջան համայնքում տաղավարների հիմնում՝ գյուղատնտեսական ապրանքների վաճառքի համար» դրամաշնորհ ստանալու նպատակով ներկայացված ծրագրին։