ՆԱԽԱԳԻԾ

Դիլիջանի համայնքի ղեկավարին է դիմել «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերությունը, ի դեմս գլխավոր տնօրեն Ն․ Ադամյանի, Դիլիջան համայնքի Հաղարծին գյուղի վարչական տարածքում գտնվող հեռուստաաշտարակի զբաղեցրած 0.05211հա հողամասի տրամադրման խնդրանքով: Դիլիջանի համայնքի ղեկավարի 2023թ. նեյեմբերի 30-ի թիվ 1129-Ա որոշմամբ, Դիլիջան համայնքի Հաղարծին գյուղի թիվ 4 հասցեի 0.05211հա հողամասի նկատմամբ ճանաչվել է համայնքի սեփականության իրավունքը /սեփականության իրավունքի վկայական թիվ՝ 12112024-11-0035/:
Համայնքի ավագանին 2024թ. նոյեմբերի 15-ի թիվ 820-Ա որոշմամբ համաձայնություն է տվել նշված 0.05211հա հողամասը «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերությանը վարձակալության իրավունքով տրամադրելու վերաբերյալ համայնքի ղեկավարի առաջարկությանը:
Ղեկավարվելով «Տեղական ինքնակառավարման մասին» օրենքի 35 հոդվածի 1-ին մասի 16-րդ կետի պահանջներով և հիմք ընդունելով Հայաստանի Հանրապետության Հողային օրենսգրքի 76-րդ հոդվածի 2-րդ կետի պահանջները`

1.Դիլիջան համայնքի սեփականությունը հանդիսացող, Դիլիջան համայնքի Հաղարծին գյուղի թիվ 4 հասցեի 0.05211հա հողամասը, 52110 /հիսուներկու հազար հարյուր տասը/ դրամ տարեկան վարձավճարով, վարձակալության իրավունքով, մինչև 2074թ. դեկտեմբերի 31-ը ժամկետով վարձակալության իրավունքով տրամադրել «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերությանը:
2.Կնքել հողի վարձակալության իրավունքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
3.«Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերությանը առաջադրել հետևյալ պայմանները.
1)Դիլիջանի համայնքապետարանի 900405051344 հաշվարկային հաշվին մուծել տարեկան վճարը, այն է՝ 52110 /հիսուներկու հազար հարյուր տասը/ դրամ, վերջինիս մուծման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված հողամասի և շինության նկատմամբ վարձակալության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: