Դիլիջանի համայնքի ղեկավարին Է դիմել քաղաքացի Սաշիկ Սերգոյի Դանիելյանը՝ Դիլիջան քաղաքի 26 Կոմիսարների փողոց թիվ 15 հասցեի բնակելի տան և տնամերձ հողամասի սահմանների ճշտման և հողամասին կից փաստացի ավել օգտագործվող հողամասն իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ ըստ տեխնիկական անձնագրի  տվյալների, Դիլիջան քաղաքի  26 Կոմիսարների փողոց թիվ 15 հասցեի տնամերձ հողամասի չափը կազմում է 622.0քմ: Կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմում է 1166.5քմ: Հանձնաժողովն առաջարկություն է ներկայացրել համայնքի ղեկավարին` փաստացի ավել օգտագործվող 544.5քմ-ից 124.4քմ-ի (622.0քմ x 20%) նկատմամբ ճանաչել քաղաքացի Սաշիկ Սերգոյի Դանիելյանի սեփականության իրավունքը, իսկ մնացած 420.1քմ (544.5քմ-124.4քմ) հողամասն ուղղակի վաճառքի ձևով օտարել քաղաքացուն:
Նշված 420.1քմ հողամասը չի հանդիսանում Հայաստանի Հանրապետության Հողային օրենսգրքի 60 հոդվածով առաջադրված հող, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման իններորդ գոտում, ըստ գործառնական նշանակության` բնակելի կառուցապատման:
Նշված տնամերձ հողամասում առկա բնակելի տան ձևոփոխությունների և օժանդակ շինության շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով հողամասի սեփականատերը ձեռք է բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման 6-րդ կետի, Հայաստանի Հանրապետության Հողային օրենսգրքի 64-րդ հոդվածի 2-րդ և 3-րդ մասերի,  Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`

1. Առաջին պետական գրանցման աշխատանքների իրականացման շրջանակներում Դիլիջան քաղաքի 26 Կոմիսարների փողոց թիվ 15 հասցեի 622.0քմ տնամերձ հողամասին կից փաստացի ավել օգտագործվող 544.5քմ հողամասից 124.4քմ հողամասի, բնակելի տան ձևափոխությունների և օժանդակ շինության /անասնաշենք/ նկատմամբ ճանաչել քաղաքացի Սաշիկ Սերգոյի Դանիելյանի (ծնված 10.02.1950թ.) սեփականության իրավունքը, իսկ 420.1քմ հողամասն օտարել ուղղակի վաճառքի ձևով: Օտարվող հողամասի արժեքը կազմում է 1325055 դրամ /հաշվարկված է հողամասի կադաստրային արժեքի 30%-ի չափով/:
2.Կնքել հողի առուվաճառքի պայմանագիրը, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3.Պարտավորեցնել համասեփականատերերին.
1)Դիլիջանի համայնքապետարանի 900405051104 հաշվարկային հաշվին մուծել հողի արժեքը` 1325055 /մեկ միլիոն երեք հարյուր քսանհինգ հազար հիսունհինգ/ դրամ, վերջինիս մուծման անդորրագիրը սույն որոշման անբաժանելի մասն է:
2)<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: