Համայնքի  վարչական  սահմաններում  գտնվող  հողամասերի ընթացիկ  հաշվառման  և հողային հաշվեկշռի կազմման նպատակով, Դիլիջանի համայնքապետարանի քաղաքաշինության և հողօգտագործման հարցերի հանձնաժողովը առաջարկություն է ներկայացրել համայնքի ղեկավարին՝ Դիլիջանի համայնքի վարչական սահմաններում ընդգրկված, Հաղարծին գյուղի 11-042-0148-0038 ծածկագրով 0.10183հա մակերեսով հողամասի գործառնական նշանակությունը փոխադրել ավելի բարձրարժեք հողատեսքի, մասնավորապես՝ վարելահողի:
Ելնելով վերոգրյալից և ղեկավարվելով Հայաստանի Հանրապետության կառավարության 2009թ. սեպտեմբերի 17-ի թիվ 1066-Ն որոշմամբ հաստատված կարգի 7-րդ կետի, ինչպես նաև <<Տեղական ինքնակառավարման մասին>> օրենքի 43-րդ հոդվածի 2-րդ մասի 1-ին կետի և 35-րդ հոդվածի 1-ին մասի 24-րդ կետի պահանջներով`

1. Հաղարծին գյուղի տարածքում գտնվող, 11-042-0148-0038 ծածկագրով 0.10183հա մակերեսով հողամասը փոխադրել ավելի բարձրարժեք հողատեսքի, մասնավորապես՝ վարելահողի:
2. Դիմել Հայաստանի Հանրապետության անշարժ գույքի կադաստրի կոմիտեի սպասարկման գրասենյակ՝ Դիլիջան համայնքի Հաղարծին գյուղի 11-042-0148-0038 ծածկագրով, 0.10183հա մակերեսով հողամասի նկատմամբ համայնքի սեփականության իրավունքը վերագրանցելու նպատակով:
3. Սույն որոշումն ուժի մեջ է մտնում ստորագրման պահից: