Զեկ. ԴԱՎԻԹ ՍԱՐԳՍՅԱՆ

 Դիլիջան համայնքի սեփականությունը հանդիսացող  ք. Դիլիջան, Մյասնիկյան 66 հասցեի վարչական շենքի 4-րդ հարկի թիվ 24 և 25 աշխատասենյակները՝ ընդհանուր 45,4 քմ տարածքով Դիլիջան համայնքի ավագանու 2022 թվականի մարտի 7-ի թիվ 070-Ա որոշմամբ անհատույց օգտագործման (փոխատվության) է հանձնվել «ՍOՍ Մանկական Գյուղեր» Հայկական բարեգործական հիմնադրամին՝  3 տարի ժամկետով։ Հիմնադրամի տնօրենը խնդրել է երկարաձգել աշխատասենյակների անհատույց օգտագործման ժամկետը մինչև 2028 թվականը՝ «Ընտանիքի ամրապնդման շարժական աջակցության տրամադրում Տավուշի մարզի խոցելի երեխաներին, երիտասարդներին և իրենց ընտանիքներին, այդ թվում՝ տեղահանված բնակչությանը» և  «Լեռնային Ղարաբաղից բռնի տեղահանված անձանց տնտեսական հզորացում» ծրագրերի իրականացման համար:

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով՝ համայնքի ավագանին որոշում է.

1.Տալ համաձայնություն՝ Դիլիջան համայնքի սեփականությունը հանդիսացող  ք. Դիլիջան, Մյասնիկյան 66 հասցեի վարչական շենքի 4-րդ հարկի թիվ 24 և 25 աշխատասենյակների՝ ընդհանուր 45,4 քառ. մետր տարածքով,  անհատույց օգտագործման (փոխատվության) ժամկետը երկարաձգելու մինչև 2028 թվականը՝ «Ընտանիքի ամրապնդման շարժական աջակցության տրամադրում Տավուշի մարզի խոցելի երեխաներին, երիտասարդներին և իրենց ընտանիքներին, այդ թվում՝ տեղահանված բնակչությանը» և  «Լեռնային Ղարաբաղից բռնի տեղահանված անձանց տնտեսական հզորացում» ծրագրերի իրականացման համար:

2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: