Համաձայն ՀՀ Տավուշի մարզի առաջին ատյանի ընդհանուր իրավասության դատարանի 2024թ. սեպտեմբերի 27-ի թիվ ՏԴ/0246/02/04 վճռի՝ Դիլիջան համայնքի Դիլիջան քաղաքի 11-003-0110-0046 կադաստրային ծածկագրով անշարժ գույքի նկատմամբ ճանաչվել է քաղ. Հմայակ Պայքարի Ալիխանյանի սեփականության իրավունքը: Վերջինս դիմել է Դիլիջան համայնքի ղեկավարին` նշված տնամերձ հողամասի գլխավոր հատակագիծը հաստատելու և հասցե տրամադրելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմել է 2441.0քմ, որտեղ առկա է բնակելի տուն և անասնաշենք: Նշված հողամասը չի գտնվում Հայաստանի Հանրապետության Հողային օրենսգրքի 60 հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի առաջացնում սերվիտուտ:
Դիլիջան համայնքի Դիլիջան քաղաքի 11-003-0110-0046 ծածկագրով տնամերձ հողամասում առկա բնակելի տան ձևափոխությունների, կցակառուցումների և օժանդակ շինության շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղ. Հմայակ Պայքարի Ալիխանյանը ձեռք է բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի, Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի 2-րդ հոդվածի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1.Հաստատել Դիլիջան համայնքի Դիլիջան քաղաքի 11-003-0110-0046 կադաստրային ծածկագրով հողամասի գլխավոր հատակագիծը՝ 2441.0քմ մակերեսով, քաղ. Հմայակ Պայքարի Ալիխանյանի (ծնված 22.09.1971թ.) սեփականության իրավունքով /կցվում է հողամասի գլխավոր հատակագիծը/:
2.Նշված 2441.0քմ տնամերձ հողամասում առկա բնակելի տան ձևափոխությունների, կցակառուցումների և օժանդակ շինության նկատմամբ ճանաչել քաղ. Հմայակ Պայքարի Ալիխանյանի (ծնված 22.09.1971թ.) սեփականության իրավունքը:
3.Դիլիջան համայնքի Դիլիջան քաղաքի 11-003-0110-0046 կադաստրային ծածկագրով 2441.0քմ մակերեսով հողամասին և բնակելի տանը տրամադրել հասցե՝ Տավուշի մարզ, Դիլիջան համայնք, Դիլիջան քաղաք, Կալինինի փողոց թիվ 264։
4․Պարտավորեցնել քաղ. Հմայակ Ալիխանյանին.
1)Դիմել Հայաստանի Հանրապետության կադաստրի կոմիտեի սպասարկման գրասենյակ՝ նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: