Դիլիջանի համայնքի ղեկավարի 2024թ. դեկտեմբերի 05-ի թիվ 1281-Ա որոշմամբ, Դիլիջան համայնքի Դիլիջան քաղաքի Սայաթ-Նովայի փողոց, թիվ 50/6 հասցեի համայնքային սեփականություն հանդիսացող հողամասում քաղ. Գագիկ Բաղդասարի Թովմասյանի կողմից ինքնակամ կառուցված 55․5քմ արտաքին մակերեսով քոթեջի և 8․76քմ արտաքին մակերեսով պարսպի նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 15012025-11-0011/:
Գրավոր առաջարկություն է ներկայացվել քաղ. Գագիկ Թովմասյանին` Դիլիջան համայնքի Դիլիջան քաղաքի Սայաթ-Նովայի փողոց, թիվ 50/6 հասցեի քոթեջը՝ 55․5քմ արտաքին մակերեսով, պարիսպը՝ 8․76քմ արտաքին մակերեսով և վերջինիս զբաղեցրած 76․3քմ հողամասը, համապատասխանաբար, 1156842 դրամ, 182594 դրամ և 521458 դրամ արժեքներով ձեռք բերելու նպատակով: Վերջինս տվել է իր համաձայնությունը:
Համայնքի ղեկավարը նշված քոթեջը, պարիսպը և վերջինիս զբաղեցրած 76․3քմ հողամասը քաղ. Գագիկ Բաղդասարի Թովմասյանին օտարելու վերաբերյալ առաջարկությունը ներկայացրել է համայնքի ավագանու համաձայնեցմանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով` համայնքի ավագանին որոշում է. 1. Տալ համաձայնություն՝ Դիլիջան համայնքի Դիլիջան քաղաքի Սայաթ-Նովայի փողոց, թիվ 50/6 հասցեի քոթեջը 55․5քմ արտաքին մակերեսով, պարիսպը 8․76քմ արտաքին մակերեսով և վերջինիս զբաղեցրած 76․3քմ հողամասը, համապատասխանաբար, 1156842 դրամ, 182594 դրամ և 521458 դրամ արժեքներով քաղ. Գագիկ Բաղդասարի Թովմասյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |