Համաձայն 2015թ. նոյեմբերի 05-ի ըստ կտակի ժառանգության իրավունքի վկայագրի՝ Դիլիջան քաղաքի Շահումյան փողոց թիվ 2/22 հասցեի ավտոտնակի նկատմամբ սեփականության իրավունքը ձեռք է բերել քաղ. Սամվել Ալբերտի Ասատրյանը: Վերջինիս լիազորված անձ Անի Դավթյանը դիմել է Դիլիջանի համայնքի ղեկավարին` նշված ավտոտնակի զբաղեցրած հողամասը քաղ. Սամվել Ալբերտի Ասատրյանին օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն պետական որակավորում ունեցող անձի կողմից կատարված տեղազննման և չափագրման տվյալների՝ Շահումյան փողոց թիվ 2/22 հասցեի ավտոտնակի սպասարկման հողամասի չափը կազմում է 30.2քմ: Նշված 30.2քմ հողամասը չի համարվում Հայաստանի Հանրապետության Հողային  օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, գտնվում է Բնակավայրերի հողերի տարածագնահատման տասներորդ գոտում: Նշված հողամասի օտարումը չի սահմանափակում այլ անձանց իրավունքները:
Հանձնաժողովն առաջարկություն է ներկայացրել համայնքի ղեկավարին՝ վերոնշյալ ավտոտնակի զբաղեցրած 30.2քմ հողամասն ուղղակի վաճառքի ձևով, 206396 /երկու հարյուր վեց հազար երեք հարյուր իննսունվեց/ դրամ արժեքով քաղ. Սամվել Ալբերտի Ասատրյանին օտարելու վերաբերյալ:
Ելնելով վերոգրյալից և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 3-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի  դրույթներով`

1. Դիլիջան քաղաքի Շահումյան փողոց թիվ 2/22 հասցեի ավտոտնակի զբաղեցրած 30.2քմ հողամասն ուղղակի վաճառքի ձևով, 206396 /երկու հարյուր վեց հազար երեք հարյուր իննսունվեց/ դրամ արժեքով օտարել քաղ. Սամվել Ալբերտի Ասատրյանին (ծնվ. 16.04.1966թ.):
2. Կնքել հողամասի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3. Պարտավորեցնել քաղ. Սամվել Ասատրյանին.
1) Դիլիջանի համայնքապետարանի 900405051104 հաշվարկային հաշվին մուծել հողի արժեքը, այն է՝ 206396 /երկու հարյուր վեց հազար երեք հարյուր իննսունվեց/ դրամ, վերջինիս մուծման անդորրագիրը սույն որոշման անբաժանելի մասն է:
2) Դիմել  Հայաստանի Հանրապետության  կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու /վերագրանցելու/ նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2022թ. դեկտեմբերի 01-ի թիվ 234-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: