Դիլիջան համայնքի ղեկավարին է դիմել Նոյեմբերյան համայնքի ղեկավարը, ներկայացնելով Նոյեմբերյան համայնքի ավագանու 2020թ. հուլիսի 7-ի թիվ 63-Ա որոշումը՝ Դիլիջան համայնքի վարչական սահմաններում ընդգրկված հեռագնա սարամասերից Նոյեմբերյան համայնքին հատկացնելու և «Հայաստանի Հանրապետության վարչատարածքային բաժանման մասին» օրենքում համապատասխան փոփոխություն կատարելու հարցը Դիլիջան համայնքի ավագանու քննարկմանը ներկայացնելու մասին:
Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ և 42-րդ կետերի դրույթներով՝ համայնքի ավագանին որոշում է.
Տավուշի մարզի Նոյեմբերյան համայնքի ավագանու կողմից ներկայացված Դիլիջան համայնքի վարչական սահմաններում ընդգրկված հեռագնա սարամասերից Նոյեմբերյան համայնքին հատկացնելու և «Հայաստանի Հանրապետության վարչատարածքային բաժանման մասին» օրենքում համապատասխան փոփոխություն կատարելու առաջարկությանը տալ համաձայնություն՝ պայմանով, որ Դիլիջան համայնքի ավագանու հաստատմանը ներկայացվի համայնքների միջև սահմանված կարգով փոխադարձ համաձայնություն՝ քարտեզագրված և ճշգրտված հատակագծերով: